| e-texts navigator |
| Wylie |
175a1 རང་བྱུང་བདེ་བའི་འཁོར་ལོའི་རྒྱུད་ལས། ངེས་དོན་རྟོགས་པར་བྱ་བའི་ཐབས་བསྟན་པའི་ལེའུ་སྟེ་དྲུག་པའོ།། །། དེ་ནས་ཀུན་རིག་སྟོན་པ་ཡིས།། འདུས་པའི་འཁོར་ལ་བཀའ་སྩལ་པ།།
175a2 མེད་ལ་ཡོད་འཛིན་ཀུན་བརྟགས་ཡུལ།། འཁྲུལ་པ་ལྡོག་དཀའ་འཇིག་ཚོགས་རི།། རང་གིས་རང་བསླུས་ཞེན་པའི་རྒྱུན།། དེ་ལྡོག་དོན་ཕྱིར་ལམ་ལྔ་གསུང་།། དེ་ཡང་འདུས་པའི་སྙིང་པོ་ཉོན།། དད་ལྡན་འགྱུར་མེད
175a3 ལས་ཅན་གྱིས།། ལུང་ལྡན་རྡོ་རྗེ་སློབ་དཔོན་ལ།། ཡིད་འཐད་ཕངས་མེད་དབུལ་བ་ནི།། ཚོགས་ཀྱི་ལམ་དུ་བསྟན་པ་ཡིན།། བླ་མས་གནང་བ་བྱིན་འགྱུར་ཏེ།། ཡིད་གཉིས་ཐེ་ཚོམ་བློ་སྤངས་ཏེ།། མཁའ་འགྲོ་མཆོད
175a4 ཅིང་དོན་ཞུ་ཚེ།། སྦྱོར་བའི་ལམ་ཞེས་དེ་ལ་བྱ།། དེ་ཡང་རྡོ་རྗེ་སེམས་དཔའ་ཉོན།། ངེས་པའི་རྡོ་རྗེ་སློབ་དཔོན་གྱིས།། ཡང་དག་མན་ངག་ལུང་བསྟན་པས།། སྣོད་ལྡན་ཡིད་ཆེས་དོན་རྟོགས་ཕྱིར།། མཐོང་བའི་ལམ་ནི
175a5 ཡིན་པར་གསུངས།། དེ་དོན་གོ་བས་རྒྱུན་དུ་ནི།། ངེས་དོན་ཆོས་སྐུ་ཡེངས་པ་མེད།། རང་རིག་ཡེ་ཤེས་དབང་ཐོབ་ཕྱིར།། བསྒོམ་པའི་ལམ་དུ་བསྟན་པ་ཡིན།། ཡང་དག་ངེས་དོན་གདམས་ངག་འདི།། རང་གི་ཐུགས
175a6 ལ་དོན་རྫོགས་པས།། འགྱུར་མེད་གདེང་ཆུད་ཡེ་ཤེས་ཀློང་།། མཐར་ཕྱིན་ལམ་དུ་བཤད་པ་ཡིན།། དེ་ཡང་འདུས་པའི་སྙིང་པོ་ཉོན།། ཡང་དག་དོན་གྱི་ཆོས་ཉིད་ལ།། ལམ་གྱི་དབྱེ་བ་མང་མེད་ཀྱང་།། རྣལ་འབྱོར་བློ
iiif viewer powered by OpenSeadragon
