| e-texts navigator |
| Wylie |
174b1 རྗེ་ལ་ཡང་ཞུས་པ།། དོན་གྱི་གནས་ལུགས་རྟོགས་ཐབས་གང་།། མ་བགྲོད་ལམ་ལྔ་ཇི་ལྟར་རྫོགས།། ས་དང་ཕ་རོལ་ཡོན་ཏན་གང་།། ཀུན་བཟང་སྟོན་པས་བཤད་དུ་གསོལ།། ཞུས་པས་དོན་གསན་བཀའ་སྩལ
174b2 པ།། དེ་དོན་ངས་བཤད་ཡིད་ཀྱིས་ཉོན།། ངེས་པའི་ལུང་ལྡན་བླ་མ་ལ།། དད་པ་བརྩོན་འགྲུས་དམ་ཚིག་གིས།། བཀུར་སྟི་རིམ་འགྲོ་གུས་བྱས་ན།། མན་ངག་སྙིང་པོ་གནང་བར་འགྱུར།། དེ་ཡང་འདུས་པའི་སྙིང་པོ
174b3 ཉོན།། དཔེར་ན་བྲམ་ཟེ་གླང་ཆེན་བཞིན།། རྒྱལ་པོའི་བཀའ་ཡི་བཙན་ཕུལ་གྱིས།། བྲིད་བསྡིགས་གཡོ་སྒྱུས་ནོར་འདོད་པས།། སྲོག་སྙིང་མེད་པར་ཕན་མི་ཐོགས།། དེ་བཞིན་ངེས་པའི་ལུང་ལྡན་གྱིས།། མན་ངག
174b4 ཆོས་སྐུ་མ་བསྟན་ན།། ཐབས་དང་གཡོ་སྒྲ་སྣ་ཚོགས་ཀྱིས།། བཀའ་རྐུན་སྐྱོན་གྱིས་ཆོས་བཙལ་ཀྱང་།། རང་སེམས་མི་རྟོགས་ངན་སོང་ལྟུང་།། དེ་ཡང་འདུས་པའི་སྙིང་པོ་ཉོན།། ཕྲག་དོག་མེད་པར་བཟང་སེམས
174b5 ཀྱིས།། སྲོག་སྙིང་རྒྱལ་པོ་ལ་བྱིན་པས།། བྲམ་ཟེ་གསེར་གླང་འདྲ་གཉིས་བྱུང་།། གཉིས་ཀ་མངའ་ཐང་ཅི་བསམ་འགྲུབ།། དེ་བཞིན་བླ་མ་ལུང་ལྡན་ལ།། ཡིད་འཐད་ཕུལ་ཅིང་ཅི་གསུང་ཉན།། ཤེས་རབ་རྣོ་ཞིང་གསང
174b6 ཐུབ་ལ།། མན་ངག་སྙིང་པོ་གནང་བའི་ཕྱིར།། སློབ་མས་རང་སེམས་རྟོགས་པར་ངེས།། དེ་ཕྱིར་བླ་མ་བཀུར་བར་གཅེས།། ངེས་དོན་གསང་བའི་སྐབས་སུ་བཤད།། རྫོགས་པ་ཆེན་པོ་དོན་འདུས་རིག་པའི་གསུང་།།
iiif viewer powered by OpenSeadragon
