| e-texts navigator |
| Wylie |
174a1 སེམས་ཅན་ཀུན་ལ་ཡོད་མོད་ཀྱང་།། ཤེས་པས་མ་མཐོང་ཙམ་དུ་བས།། དེ་མཐོང་ངེས་པའི་གདམས་ངག་ལ།། ཤེས་པས་རྟག་ཏུ་འབྲལ་བ་མེད།། དེ་ཡང་འདུས་པའི་སྙིང་པོ་ཉོན།། མ་རིག་འཁྲུལ་པ
174a2 ཡོད་བཞིན་དུ།། འབྲས་བུ་སངས་རྒྱས་ཐུགས་ལ་གནས།། དེ་ཕྱིར་གཞན་ནས་འབྱུང་བ་མེད།། ཐོག་མ་མ་ཡིན་དུས་འདི་རང་།། དེ་ཡང་རང་རིག་ཡེ་ཤེས་ནི།། ཏིལ་ལ་མར་གྱིས་ཁྱབ་པ་བཞིན།། འགྲོ་དྲུག་ཀུན་ལ
174a3 རང་རིག་ཁྱབ།། སྐྱེ་འགག་མེད་པར་རྒྱུན་དུ་གནས།། དཔེར་ན་ས་གཏིང་ནམ་མཁའ་བཞིན།། འགྲོ་འོང་མེད་པར་ཆོས་སྐུར་གནས།། དེ་དོན་མ་རྟོགས་བློས་བསླད་ནས།། འཁོར་བར་འཁྱམས་ཀྱང་ཉམ་ང་མེད།།
174a4 རང་བྱུང་རིག་པའི་ཡེ་ཤེས་དེ།། སྤྲིན་མེད་ནམ་མཁའི་ཉི་མ་བཞིན།། འདུས་མ་བྱས་པའི་ཀློང་དཀྱིལ་ན།། རང་རིག་ཡེ་ཤེས་ཆོས་སྐུ་བཞུགས།། རིན་ཆེན་གང་བུ་ག་འུར་འོད་ཐིམ་ལྟར།། ལུས་ཀྱི་ནང་ན་ཆོས་སྐུ
174a5 ཡོད།། ལུས་ཞིག་དྲན་པ་ལུགས་སུ་འཇུག། དེ་ཕྱིར་འཁོར་བའི་རྒྱུད་ཁ་འཁོར།། དོན་རྟོགས་རང་རིག་གནས་སུ་ཆེ།། རིག་པ་རང་བྱུང་ངོ་བོ་དེ།། སེམས་ཅན་ཀུན་གྱི་ཡིད་ལ་གནས།། དེ་ཕྱིར་འཁོར་འདས་ཀུན་གྱི
174a6 གཞི།། རྫོགས་པ་ཆེན་པོ་དོན་འདུས་རིག་པའི་གསུང་།། རང་བྱུང་བདེ་བའི་འཁོར་ལོའི་རྒྱུད་ལས། སེམས་ཅན་ཀུན་ལ་གནས་ལུགས་བསྟན་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་རིག
iiif viewer powered by OpenSeadragon
