| e-texts navigator |
| Wylie |
172a1 འཛིན་ཞེན་ལྡོག་གཞི་ལ་མེད།། མ་ཀི་ཏ་ཡིས་གང་ཐེབས་བཞིན།། ལྟ་བ་ངོ་བོ་ཉིད་རྟོགས་པས།། ཅི་དྲན་མ་བསྒོམས་ཆོས་ཉིད་གསལ།། བཞག་ས་མེད་པར་རྒྱུན་དུ་གནས།། བི་ཤྭས་གང་བྱས་ལེགས
172a2 པ་བཞིན།། རྣལ་འབྱོར་སྤྱོད་ལམ་ཐམས་ཅད་དུ།། ཡེ་ཤེས་རྩ་བ་དོན་གྱིས་ཟིན།། ཉེས་པའི་སྐྱོན་གྱིས་གོས་པ་མེད།། ཡིད་བཞིན་ནོར་བུའི་ཡོན་ཏན་བཞིན།། རང་སེམས་ཆོས་སྐུར་དོན་རྟོགས་པས།། མི་ཡི་ལུས་ལ
172a3 སངས་རྒྱས་ཐུགས།། གདུལ་བྱ་གཟུགས་སྐུ་ཤུགས་ལས་འབྱུང་།། དེ་ཡང་རྡོ་རྗེ་སེམས་དཔའ་ཉོན།། དེ་དག་ངོ་བོ་གཅིག་པ་ལ།། ཚིག་གི་མཚོན་པ་ཐ་དད་ཀྱང་།། ཡུལ་མེད་རང་གསལ་ཉིད་དུ་འདུས།། རྫོགས་པ
172a4 ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། ངེས་དོན་རྩ་བ་གཅིག་པར་བསྟན་པའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན
172a5 དོན་དུ།། ཡིད་ཀྱིས་དྲན་པས་འདི་སྐད་གསོལ།། སྣང་མེད་ངོ་བོ་གནས་ལུགས་གང་།། གཞི་ལ་འཕོ་འགྱུར་ཇི་ལྟར་མེད།། སེམས་ཅན་ཀུན་ལ་ཇི་ལྟར་ཡོད།། ཀུན་རིག་རྒྱལ་པོས་བཤད་དུ་གསོལ།། དེ་སྐད་ཞུས་པས
172a6 དོན་གསན་ནས།། འདུས་པའི་འཁོར་ལ་བཀའ་སྩལ་པ།། སྣང་མེད་ངོ་བོ་གནས་ལུགས་ནི།། དུས་གསུམ་མེད་པས་སྔོན་རོལ་དུ།། འདས་པ་བས་ཀྱང་རང་བྱུང་སྔ།། རྒྱུ་རྐྱེན་མེད་པའི་སྔོན་རོལ་དུ།། འབྲས་བུ་རང
iiif viewer powered by OpenSeadragon
