| e-texts navigator |
| Wylie |
171b1 ད་ཆེ།། རྣམ་སྨིན་མི་བལྟ་གྲགས་པ་སྒྲུབ།། ཕྱི་ནང་མེད་པར་འཕྱར་ཁ་གཏོང་།། དེ་འདྲའི་སྣོད་ངན་མི་རྣམས་ལ།། ཡང་དག་ངེས་དོན་འདི་བསྟན་ན།། མཁའ་འགྲོ་རྣམས་ཀྱིས་སྲོག་བཅད་དེ།། ཕྱི་མར་མནར
171b2 མེད་དམྱལ་བར་ལྟུང་།། དེ་ཕྱིར་མ་བརྟགས་ཆོས་མི་བཤད།། དེ་ཡང་རྡོ་རྗེ་སེམས་དཔའ་ཉོན།། ཚིག་དང་ཡི་གེས་དོན་མཚོན་ཏེ།། མན་ངག་སྙིང་པོས་ཁོག་ཕུབ་ནས།། དོན་དང་མི་འགལ་ས་བཅད་ལ།། ཚིག་ཉུང
171b3 དོན་ཆེན་རྫོགས་པར་བཤད།། དེ་ལྟར་མི་ཤེས་གང་ཟག་གིས།། དོན་མེད་ཚིག་གིས་གོང་འོག་དཀྲུགས།། རྩལ་བཤད་ཐོ་ཆོས་གཞུང་ཉམས་བྱེད།། མཚམས་མེད་སྡིག་པས་ཆར་མི་ཕོད།། རྫོགས་པ་ཆེན་པོ་དོན
171b4 འདུས་རིག་པའི་གསུང་རང་བྱུང་བདེ་བའི་འཁོར་ལོའི་རྒྱུད་ལས། དོན་གྱི་གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་ཀུན་རིག་སྟོན་པ་དེས།། ངེས་དོན་རྩ་བ་འདི་གསུངས་པ།། ངོ་བོ་གཞི་ཡི་གནས
171b5 ལུགས་དང་།། བལྟ་བསྒོམ་སྤྱོད་པ་འབྲས་བུའི་དོན།། རྟོགས་པའི་ཡོན་ཏན་ད་ལྟའི་དུས།། མངོན་དུ་གྱུར་པས་ངས་བཤད་ཉོན།། ཡུལ་མེད་ངོ་བོ་རང་བྱུང་སྐུ།། འཁོར་འདས་མ་རིག་གདོད་ནས་བྱུང་།། དེ་དོན་ཀུན
171b6 ལ་ཡེ་ནས་གནས།། འདུས་མ་བྱས་པའི་ནམ་མཁའ་འདྲ།། དེ་ཡང་འདུས་པའི་སྙིང་པོ་ཉོན།། དཔེར་ན་ཁྱུང་ཆེན་ལྡིང་བ་བཞིན།། ངེས་པའི་ལྟ་བ་གདེང་ལྡན་པས།། འཁོར་འདས་དངོས་པོ་ཅིར་སྣང་ཡང་།། གཟུང
iiif viewer powered by OpenSeadragon
