| e-texts navigator |
| Wylie |
171a1 ཀུན་རིག་སེམས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། ངེས་དོན་བཤད་དུས་གང་ལ་བབ།། སྣོད་ཀྱི་རིམ་པ་གང་ལ་བསྟན།། ཚིག་དང་ཡི་གེར་ཇི་ལྟར་མཚོན།། ཀུན་རིག་རྒྱལ་པོས
171a2 བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ལེགས་སོ་དད་ལྡན་འཁོར་རྣམས་ཉོན།། དེ་དོན་ངས་བཤད་ཡིད་ཀྱིས་ཟུང་།། དུས་ཀྱི་ཐ་མ་ལྔ་བརྒྱ་ན།། མནའ་ཟ
171a3 ཁྲིམས་འཆལ་དམ་ཉམས་འབྱུང་།། མཚོན་དང་མུ་གེའི་ཚེ་ཐུང་དུས།། རྫོགས་ཆེན་སྙིང་པོ་དེར་བཤད་བྱ།། ད་ཡང་རྡོ་རྗེ་སེམས་དཔའ་ཉོན།། དེ་ཡང་དུས་ཀྱི་དེང་སང་ན།། སངས་རྒྱས་བསྟན་པ་འཇིག་ཀའི་ཚེ།།
171a4 འཛམ་གླིང་བོད་ཀྱི་བྱང་ཕྱོགས་སུ།། རྒྱུད་དང་ཏན་ཏྲ་མང་པོ་འབྱུང་།། ལུང་དང་སེམས་ཀྱི་ཆོས་དར་སྟེ།། སྡེ་སྣོད་ཆོས་ཀུན་ནུབ་གྱུར་ཅིང་།། དེ་ཚེ་སྐལ་ལྡན་འགའ་ཞིག་ལ།། རང་སེམས་རྟོགས་པ་ཙམ་གྱིས་ནི།།
171a5 འབྲས་བུ་སངས་རྒྱས་དུས་འདིར་འབྱུང་།། དེ་ཡང་འདུས་པའི་འཁོར་རྣམས་ཉོན།། དད་ལྡན་སློབ་མ་བརྩེ་གདུང་ཅན།། མངགས་པའི་ལས་ལ་གུས་པར་བྱེད།། ཡིད་འཐད་རྫས་ལ་ཕོངས་མེད་དབུལ།། མི་སྦལ
171a6 གཉེར་ཐུབ་རྣམས་ལ་བཤད།། དེ་དང་མི་ལྡན་སྣོད་ངན་ནི།། གྱོང་ལ་ཁེངས་པའི་ང་རྒྱལ་ཅན།། སེར་སྣ་ཆེ་ལ་གཏོང་ཕོད་ཆུང་།། མན་ངག་སྲེད་ཆེ་ཀུན་ལ་སྤེལ།། ཕྱི་ཐག་ཟུང་ཞིང་བླ་མ་སྨོད།། ཟས་ལ་ངན་ཞིང་ནོར
iiif viewer powered by OpenSeadragon
