| e-texts navigator |
| Wylie |
170b1 བྱུང་བདེ་བའི་འཁོར་ལོ་ཞེས་བྱ་བ། བཅོམ་ལྡན་འདས་དཔལ་རང་བྱུང་རིག་པའི་རྒྱལ་པོ་ཡེ་ཤེས་ཀྱི་སྐུ་དང་ལྡན་པ་དེ་ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན།། ངོ་བོ་ཉིད་རྟོགས་ཀུན་བཟང་དེ།།
170b2 བདེ་གཤེགས་འོག་མའི་གནས་མཆོག་ཏུ།། རིགས་ལྔའི་རྒྱལ་པོ་ལ་སོགས་ལ།། རང་བྱུང་ཆོས་སྐུའི་བྱིན་རླབས་བཤད།། དེ་ཚེ་སེམས་དཔས་དོན་རིགས་ནས།། གཙང་རིས་ལྷ་ཡི་གནས་མཆོག་ཏུ།། བརྩེར་དགོངས
170b3 དུས་ལ་བབ་གྱུར་ནས།། རིག་འཛིན་སེམས་དཔའི་འཁོར་རྣམས་ལ།། ངེས་དོན་རང་གི་ངོ་བོས་བཤད།། དེ་དུས་ཕྱོགས་བཅུའི་སངས་རྒྱས་ལ།། སྤྲུལ་པའི་རིག་འཛིན་སེམས་དག་གིས།། ཞུ་བ་ཞུས་ནས་ཐེ་ཚོམ
170b4 བཅད།། ངེས་རྙེད་མངོན་དགའི་ཕུག་ཏུ་ཞུགས།། དེས་སྦྲུལ་ཤཱཀ་ཐུབ་སྤྲུལ་པ་ཡིས།། འཛམ་གླིང་བདེ་ལྡན་གནས་དག་ཏུ།། ད་ལྟ་དུས་ཀྱི་དེང་སང་ན།། གསང་བདག་སྤྲུལ་པ་དད་ཉན་ལ།། སྡེབ་སྦྱོར་ལེགས་པའི
170b5 ཚིག་ཏུ་གསུངས།། དེ་ཡང་སྟོན་པའི་འཁོར་རྣམས་ཉོན།། སྐད་ཅིག་ཡུད་ཙམ་ཐང་གཅིག་ལ།། གདུལ་བྱ་འཁོར་བ་ཐ་དད་ཀྱང་།། དུས་གསུམ་གཅིག་སྟེ་ཁྱད་མེད་ཕྱིར།། རིམ་པར་འབྱེད་མེད་ངོ་བོ་གཅིག། དེ་སྐད
170b6 གསུངས་པའི་དོན་གོ་ནས།། སྐལ་ལྡན་འདུས་པ་རྣམས་ཀྱིས་ཀྱང་།། གུས་ཉན་དད་པ་རྩེ་གཅིག་ཏུ།། དད་ཅིང་གུས་པའི་ཡིད་ཀྱི་འཁོར།། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།།
iiif viewer powered by OpenSeadragon
