| e-texts navigator |
| Wylie |
16a1 ཤེས་པ་རྩིངས།། ཐར་ལམ་མི་ཐོབ་སྐྱེ་འཆིར་བརྟགས།། ད་ཡང་འདུས་པའི་སྙིང་པོ་ཉོན།། མ་རིག་གཞོན་པ་ངེས་པ་ནི།། ལེ་ལོ་སྙོམས་ལས་དམན་ལ་སྦྱར།། ཆགས་སྡང་ལྔ་ལ་ལོངས
16a2 སྤྱོད་པས།། དེ་ཡིས་རྣམ་སྨིན་འབྲས་བུ་འབྱུང་།། དམྱལ་བས་རང་བཞིན་མེ་སོགས་མཐོང་།། ཡི་དྭགས་མི་གཙང་མཐོང་ཡུལ་སྣང་།། བྱོལ་སོང་ངམ་གྲོག་གྱེན་མཐུར་མཐོང་།། མི་ཡིས་མཐོང་ཡུལ
16a3 བཞི་རུ་སྣང་།། ལྷ་མ་ཡིན་གྱི་གོ་མཚོན་མཐོང་།། ལྷ་ཡིས་རིན་ཆེན་སྣ་བདུན་མཐོང་།། དེ་དག་འགྲོ་དྲུག་སྡུག་བསྔལ་ཡིན།། ད་ཡང་རྡོ་རྗེ་སེམས་དཔའ་ཉོན།། མ་རིག་པ་ལས་བྱུང་བ་ཡི།། འགྲོ
16a4 དྲུག་སྡུག་བསྔལ་དེ་དག་ཀྱང་།། འཁྲུལ་ངོར་བདེན་ཀྱང་དོན་ལ་མེད།། དེ་ཕྱིར་མ་རིག་སྐྱོན་དུ་ཆེ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས།།
16a5 འགྲོ་དྲུག་སྡུག་བསྔལ་བྱུང་ཚུལ་བསྟན་པའི་ལེའུ་སྟེ་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། མུ་སྟེགས་འཁྲུལ་ལུགས་བཀའ་སྩལ་པ།། འཁྲུལ་སྨན་ཆེན་པོ་དང་འདྲ་སྟེ།། གཞི་དང་འཁྲུལ་པའི
16a6 ཉེས་པ་དེ།། སུན་བཏོན་ལ་ཟློས་གྲངས་བསྟན་པའི།། འཁྲུལ་གཞི་མེད་པའི་འཁྲུལ་པ་དེ།། རི་བོང་རྭ་བཞིན་ཡོད་མི་སྲིད།། འཁྲུལ་གཞི་ལས་ནི་འཁྲུལ་པ་བྱུང་།། དེ་ཡང་འཁོར་གྱི་སྙིང་པོ་ཉོན།། ངོ་བོ་མི་འགྱུར་གཞི
iiif viewer powered by OpenSeadragon
