| e-texts navigator |
| Wylie |
169a1 སང་ན།། གསངས་སྔགས་དར་དྲགས་ནུབ་ག་རུ།། ཤཱཀ་ཐུབ་སྤྲུལ་པ་ཡིན་ངེས་ཤིག། བྱང་ཆུབ་མྱུ་གུ་སྐྱེས་ནས་ནི།། བསྟན་པ་ཙམ་གྱིས་སངས་རྒྱ་བ།། དུས་འདིར་སྐལ་ལྡན་རྣམས་ལ་འབྱུང་།། དེ་ཡང
169a2 འདུས་པའི་སྙིང་པོ་ཉོན།། སྔགས་དང་མཚན་ཉིད་རྩོད་དུས་སུ།། རྣམ་པར་སྣང་མཛད་སྤྲུལ་པ་ནི།། ཤྲཱི་སིདྡྷ་ཞེས་བྱ་བ།། རང་རིག་མཚན་ཉིད་སྟོན་པ་འབྱུང་།། དེ་ལ་ཉེ་འཁོར་དམ་པ་ནི།། མི་གཡོ་མགོན་གྱི་སྤྲུལ་པ
169a3 ནི།། བི་མ་ལ་མི་ཏྲ་བྱ་བ།། སངས་རྒྱས་དགོངས་པ་འཛིན་པ་འབྱུང་།། དེ་ཡིས་མི་ལས་སྐལ་ལྡན་འགར།། དུས་དེར་སངས་རྒྱས་མངོན་འགྱུར་བྱེད།། དེ་ཡང་འདུས་པའི་སྙིང་པོ་ཉོན།། དེ་ཡང་ངེས་དོན་འབྲས་བུ་ནི།།
169a4 གུ་ལང་གསེར་བཞིན་མི་ནུབ་ཙམ།། སྣོད་ལྡན་འགའ་ལ་བསྟན་པ་ལས།། སྣང་དགུ་རྣམས་ཀྱི་སྤྱོད་ཡུལ་ཡིན།། ཀུན་ཀྱང་ངེས་པར་དེ་ལྟར་ཞོག། དེ་ཡང་འདུས་པའི་སྙིང་པོ་ཉོན།། དེ་ལྟར་མ་རྟོགས་ལྟ་དམན་གྱིས།།
169a5 ལམ་ལྔ་སྦྱངས་ཤིང་ཚོགས་བསགས་ཀྱང་།། ངེས་དོན་མ་ཤེས་འབྲས་བུ་མེད།། དེ་བས་རང་བྱུང་སྙིང་པོ་འདི།། ལུང་ལྡན་བསྟན་ལ་རྟོགས་པར་གྱིས།། དེ་རྟོགས་འབྲས་བུ་སངས་རྒྱས་འབྱུང་།། འགྲོ་བའི་མགོན་པོས
169a6 འདི་སྐད་གསུངས།། དེ་ཡང་རྡོ་རྗེ་སེམས་དཔའ་ཉོན།། གསང་བའི་མན་ངག་རྒྱུད་ཆེན་འདི།། ལན་གཅིག་དུས་ཀྱི་དེང་སང་ན།། འདྲ་མིན་བསླུ་ཆོས་དར་བའི་ཚེ།། དམ་ཉམས་ཁ་བསགས་ཅན་གྱིས་བསླུས།། གསང
iiif viewer powered by OpenSeadragon
