| e-texts navigator |
| Wylie |
168b1 སེམས་དཔའ་ཉོན།། འགལ་བྱེད་ཀུན་ལ་འདི་བསྟན་ན།། ཀུན་བཟང་ང་ཡིས་བཀའ་བཅག་པས།། མཁའ་འགྲོའི་དམོད་མོ་དུག་ལྟར་གཏོང་།། གཙང་རིས་མགོན་པོ་ཐོག་ལྟར་བརྡེག། གྱིང་ཆེན་སྙིང་ལ་ཕུག་ལྟར
168b2 འདེབས།། རྒྱལ་ཆེན་བཞི་ནི་ཐོག་ལྟར་བརྡེག། དམ་ཅན་རྣམས་ནི་ཁྱི་ལྟར་ཟུག། མི་གཡེང་བ་བཙའ་བཅའ་གཞི་ཉམས་པ་ལ།། ནད་དང་མུ་གེ་རྟག་ཏུ་འོང་།། མི་དགེ་སྡུག་བསྔལ་སྣ་ཚོགས་འབྱུང་།། མ་ཉེས་མི
168b3 རྣམས་ཀུན་ཀྱང་སྡང་།། མནོས་པ་མི་འགྲུབ་ཆོམ་རྐུན་འོངས།། འགོང་འདྲེ་ཆགས་ནས་བསོད་ནམས་བསྒྲུབ།། ཡི་མུག་འདུག་པའི་གནས་མི་རྙེད།། དེ་ཡང་འདུས་པའི་སྙིང་པོ་ཉོན།། སློབ་དཔོན་བསླུས་པས་འཁོར
168b4 མི་འདུ།། རང་ཆེ་འདོད་པས་མཆེད་དང་འཁོན།། བླ་མ་སྤངས་པས་ཆོས་མི་བཙུན།། བཀའ་རྐུན་བྱས་པས་གདམས་ངག་མེད།། ཚུལ་འཆོས་བྱས་པས་མི་རྣམས་འཕྱ།། འདོད་པ་ཆེ་བས་དད་པ་ལོག། རྩལ་བཤད
168b5 བྱས་པས་གཞུང་མ་ཚུགས།། ངེས་དོན་བཅོས་པས་རང་རྒྱུད་བསྲེགས།། བླ་མ་སྨད་པས་མནར་མེད་ལྟུང་།། རང་གིས་རང་བསླུ་སྙིང་རེ་རྗེ།། དེ་ཡང་རྡོ་རྗེ་སེམས་དཔའ་ཉོན།། ངེས་དོན་འདུས་པའི་རྒྱུད་ཆེན་འདི།།
168b6 མར་མེ་འཆི་ཀའི་འོད་བཞིན་དུ།། བསྟན་པ་འཇིག་ཀའི་དུས་དག་ཏུ།། ཀུན་བཟང་ཐུགས་རྗེའི་བྱིན་རླབས་ཀྱིས།། རྣལ་འབྱོར་སྐལ་ལྡན་རྣམས་ལ་འབྱུང་།། ད་ཡང་འདུས་པའི་སྙིང་པོ་ཉོན།། ལན་གཅིག་དུས་ཀྱི་དེང
iiif viewer powered by OpenSeadragon
