| e-texts navigator |
| Wylie |
168a1 རྨོངས་པ་ཡིས།། ངེས་དོན་ཆོས་ལ་འཕྱ་སྐུར་འདེབས།། དེ་ཡང་འདུས་པའི་སྙིང་པོ་ཉོན།། ལོག་སྲེད་ཞེན་ཆགས་མ་ངེས་ལ།། ནམ་ཡང་བསྟན་པར་མ་གསུངས་སོ།། ཉན་ཐོས་ལ་སོགས་ལྟ་དམན་ལ།།
168a2 བསྟན་ཀྱང་གོ་བར་མི་འགྱུར་ཏེ།། མི་ཐེག་ཁལ་ཆེན་བཀལ་བ་བཞིན།། དོན་མ་གོ་བས་ངན་སོང་ལྟུང་།། དེ་ཡང་འདུས་པའི་སྙིང་པོ་ཉོན།། དེ་བས་རང་སེམས་སྔོན་སྦྱངས་པས།། རྣལ་འབྱོར་གང་ཞིག་དད་ལྡན་ལ།།
168a3 འཆི་ཀ་སྙིང་པོའི་དོན་མཚོན་ནས།། ངེས་དོན་རྒྱུད་འདི་གཏད་པར་གྱིས།། དེ་ཡང་རྡོ་རྗེ་སེམས་དཔའ་ཉོན།། ཡང་དག་ངེས་དོན་ཁྱད་པར་ཅན།། འབྲས་བུ་ངེས་པའི་དོན་ཆེན་འདི།། བླ་མར་མི་གུས་ང་རྒྱལ་ཅན།།
168a4 ཚུལ་འཆོས་བྱེད་ཅིང་སློབ་དཔོན་སྨོད།། འབུལ་བ་མེད་པར་གདམས་ངག་འདོད།། བཀའ་རྐུན་བྱས་པས་ཕྱི་ཟག་ཐུང་།། དོན་མ་གོ་བས་ཆོས་ལ་སྡང་།། འགྲན་སེམས་བཙུག་པས་མཆེད་དང་མཁོན།། ལྟ་བ་མེད
168a5 པས་གཟུང་འཛིན་ཆེ།། བདག་མེད་མ་ཤེས་རང་མཐོང་བྱེད།། ང་རང་མཁས་ཟེར་བླ་མ་སྨད།། སྔོན་ནས་ཡོད་ཟེར་ང་རྒྱལ་ཆེ།། གཞན་ནས་རྙེད་ཟེར་བཀའ་རྐུན་བྱེད།། གདམས་ངག་མེད་པར་ཡོད་ཚུལ་སྟོན།། ཕྱི
168a6 ནས་འབུལ་ཟེར་ཐབས་ཀྱིས་འབྲིད།། ནོར་ཕོངས་གཞོག་ངོམས་ཁ་གསགས་ཅན།། གཡོ་སྒྱུ་ཟབས་ཀྱིས་ཆོས་འདོད་པར།། ངེས་དོན་འདུས་པའི་རྒྱུད་ཆེན་འདི།། ནམ་ཡང་བསྟན་པར་མ་གསུངས་སོ།། དེ་ཡང་རྡོ་རྗེ
iiif viewer powered by OpenSeadragon
