| e-texts navigator |
| Wylie |
167b1 དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། ལྟ་བའི་སྙིང་པོའི་དོན་གཏད་པ།། ཆོས་ཀྱི་རྒྱལ་པོ་ཀུན་རྫོགས་འདི།། སྐལ་ལྡན་འདུས་པའི་འཁོར་རྣམས་ཀྱིས།། ཡིད་ལ་བརྣགས་ཤིང་བཅང
167b2 བར་གྱིས།། དེ་ཡང་འདུས་པའི་སྙིང་པོ་ཉོན།། ང་ཡི་བསྟན་པའི་སྙིང་པོ་འདི།། སངས་རྒྱས་ཀུན་གྱི་གསང་བའི་ཆོས།། རིག་འཛིན་རྣམས་ཀྱིས་ཐུགས་ལ་སྤོས།། ཆོས་སྐྱོང་རྣམས་ཀྱིས་གཏེར་དུ་བཙས།། དེ་དོན་མན
167b3 ངག་ངེད་དོན་འདིའི།། ངེས་དོན་གསང་བའི་རྒྱུད་གཏད་པས།། རྒྱུད་འདི་ཐོས་པའི་ཡོན་ཏན་ནི།། དོན་ཐོས་སངས་རྒྱས་ལག་ཏུ་ཐོབ།། ཆོས་སྐུ་ཡེ་ཤེས་དུས་འདིར་རྟོགས།། ཆོས་རྣམས་རྩ་ནས་དུས་གཅིག་ཤེས།།
167b4 རྒྱུད་འཛིན་པས་ནི་དངོས་གྲུབ་ཐོབ།། ཀུན་ཏུ་བཟང་པོ་ད་ལྟ་ཡིན།། གང་ཞིག་སངས་རྒྱས་དངོས་འདོད་པ།། རྒྱུད་ཆེན་འདི་ལ་བལྟ་བར་གྱིས།། སངས་རྒྱས་བསྟན་པ་ནུབ་ཀ་རུ།། ང་ཡི་ཆོས་འདི་དུས་དེ་རུ།།
167b5 མན་ངག་སྙིང་པོ་འབྱུང་ངེས་ཀྱིས།། ཕྱི་རབས་རྣལ་འབྱོར་དོན་ལ་ཆོངས།། དེ་ཡང་རྡོ་རྗེ་སེམས་དཔའ་ཉོན།། ལན་གཅིག་དུས་ཀྱི་དེང་སང་ན།། འདྲ་མིན་བསླུ་ཆོས་དར་བའི་ཚེ།། འཕྱར་འཚགས་འཚོང་ལ་འདི
167b6 བསྟན་ན།། འདི་སྡུག་ཕྱི་མ་དམྱལ་བར་ལྟུང་།། འདུས་པའི་སྙིང་པོ་ཡང་ཉོན་ཅིག། རང་བྱུང་ཆོས་སྐུའི་དོན་སྟོན་པའི།། གདམས་ངག་འདི་ནི་ལྷ་མི་ཀུན།། ཕྱི་ནང་སྡེ་སྣོད་བཀའ་རྒྱུད་རྣམས།། ཇི་ལྟར་མཁས་ཀྱང
iiif viewer powered by OpenSeadragon
