| e-texts navigator |
| Wylie |
167a1 བྱང་ཆུབ་བདེ་བའི་ཀློང་།། དེ་ལ་སྐྱོན་གྱིས་གོས་མི་སྲིད།། དེ་ཡང་འདུས་པའི་སྙིང་པོ་ཉོན།། སངས་རྒྱས་རིག་འཛིན་སྤྱན་ལམ་དུ།། འཇིག་རྟེན་མཁའ་འགྲོས་འདི་སྐད་གསོལ།། དམ་བཅས་དོན་ལས
167a2 བདག་མི་འདའ།། བཀའ་བཞིན་བགྱི་བའི་དོན་ཆེད་དུ།། ངེས་དོན་འདུས་པའི་རྒྱུད་ཆེན་འདི།། མི་ནུབ་པ་རུ་བདག་གིས་བསྲུང་།། འདི་ལ་འགལ་བྱེད་སྡིག་ཅན་ཀུན།། མྱུར་དུ་བསྒྲལ་ལ་གཞལ་དུ་རྔུབས།། དེ་ཡང
167a3 སྟོན་པའི་འཁོར་ཀུན་ཉོན།། བདག་ཅག་ཡིད་ཀྱིས་དམ་བཅས་པས།། སངས་རྒྱས་བསྟན་པ་བསྲུང་བའི་ཕྱིར།། སྡིག་ཅན་བསད་ན་གྲོལ་བར་ངེས།། རྣམ་སྨིན་ལུས་ལ་ལོངས་སྤྱོད་ཀྱི།། སངས་རྒྱས་རིག་འཛིན
167a4 རྣམས་ཀྱིས་ཀྱང་།། རང་སེམས་ཆོས་སྐུར་བྱིན་གྱིས་བརླབ།། དེ་སྐད་བརྗོད་པའི་དོན་གསན་ནས།། ཀུན་རིག་སྟོན་པའི་འཁོར་རྣམས་ལ།། རྩ་བ་ངེས་པའི་དོན་འདི་གསུངས།། ལེགས་སོ་དང་ལྡན་འཁོར་རྣམས
167a5 ཉོན།། ཤེས་རབ་བློ་ཡིས་ཁྱད་པར་ལས།། ཚིག་ཏུ་མཚོན་པ་སྣ་ཚོགས་ཀྱང་།། དོན་ལ་དབྱེར་མེད་ངོ་བོ་གཅིག། དེ་ཕྱིར་འཁོར་རྣམས་ཆོས་སྐུར་རྟོགས།། སངས་རྒྱས་འབྲས་བུ་དེ་ཉིད་ཡིན།། རྫོགས་པ་ཆེན་པོ་ངེས
167a6 དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། མཁའ་འགྲོ་མས་རྟོགས་པ་བརྗོད་པའི་ལེའུ་སྟེ་ཉིས་བརྒྱ་དང་བཅུ་གཅིག་པའོ།། སྡོམ་དུ་བསྡུས་ཏེ་བསྟན་པ་ཞེ་གཅིག་པའོ།། །
iiif viewer powered by OpenSeadragon
