| e-texts navigator |
| Wylie |
166b1 བློ་ཡིས་བརྟགས་པ་ཐམས་ཅད་མེད།། གང་ཡང་མ་སྤངས་རང་བྱུང་ལ། དེ་ལ་བསྒོམ་དུ་རྡུལ་ཙམ་མེད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྒྱལ་སྲས
166b2 སྤྲུལ་པའི་འཁོར་གྱིས་རྟོགས་པ་བརྗོད་པའི་ལེའུ་སྟེ་ཉིས་བརྒྱ་དང་བཅུ་པའོ།། ། དད་ཉན་འཁོར་ལ་ཕན་དོན་དུ།། མཁའ་འགྲོ་སྡེ་ལྔ་འཁོར་བཅས་ཀྱིས།། ཀུན་རིག་སྟོན་པའི་སྤྱན་སྔར་ནི།། རང་རང
166b3 རྟོགས་པ་བརྗོད་པའི་ཕྱིར།། ངེས་པའི་དོན་རྟོགས་འདིར་གསུངས་པ།། གཏི་མུག་མུན་པ་འཐིབ་པ་ལ།། ཐོག་མཐའ་ཆོད་པས་མ་རིག་སངས།། ཡུལ་འདི་མ་བཤིགས་ཆོས་ཀྱི་དབྱིངས།། དེ་ཉིད་རང་སེམས་རྟོགས་པ
166b4 ཡིན།། ཡང་ནི་རྟོགས་དོན་འདིར་གསུངས་པ།། ཞེ་སྡང་ཁ་དོག་ཡུལ་ལ་སྐྱེ།། ཕྱི་ཡི་གོལ་ས་གཅོད་ཤེས་ན།། ཞེ་སྡང་རང་གྲོལ་རྒྱལ་བའི་ཐུགས།། དེ་དུས་ཉིད་ན་ཆོས་ཀྱི་སྐུ།། ཡང་ནི་རྟོགས་དོན་འདིར་གསུངས་པ།།
166b5 དོན་རྟོགས་བདེ་བའི་ཡེ་ཤེས་ཤར།། ང་རྒྱལ་ངོ་བོ་ཉིད་ཀྱི་སྐུ།། དེ་དོན་མི་འབྲལ་ཆོས་ཀྱི་སྐུ།། དེ་ལ་རྐྱེན་གྱིས་གནོད་མི་ཚུགས།། ཡང་ནི་རྟོགས་དོན་འདིར་གསུངས་པ།། ཕོ་མོ་ཆགས་པ་ཅི་སྤྲད་ཀྱང་།། གོལ་མེད་ཡེ
166b6 ཤེས་རྒྱུན་མི་འཆད།། སྔ་ཕྱིར་མ་སོང་ཞེན་མེད་ཕྱིར།། བདེ་ཆེན་ལོངས་སྤྱོད་ཆེན་པོར་ཤར།། ཡང་ནི་རྟོགས་དོན་འདིར་གསུངས་པ།། ལྷ་དམན་ཆོས་ལ་ཕྲག་དོག་ཀྱང་།། གོལ་ས་ཡིན་ཕྱིར་ངེས་མེད་དག། དེ་ཕྱིར
iiif viewer powered by OpenSeadragon
