| e-texts navigator |
| Wylie |
166a1 དབྱིངས་གདེང་ལྡན་ངེས་དོན་ལ།། སྤང་དང་སྡུད་པའི་ཞེན་མེད་བདེ།། ཡང་ནི་རྟོགས་དོན་འདིར་གསུངས་པ།། ལུང་ལ་ཡིད་ཆེས་དགོངས་པ་བདེ།། ཟབ་ལ་རྒྱ་ཆེ་དགོངས་པ་གསལ།། དེ་དོན་རྟོགས
166a2 གོམས་འབྲས་བུ་ལ།། སངས་རྒྱས་ངེས་པ་དེ་ལ་བྱ།། ཡང་ནི་རྟོགས་དོན་འདིར་གསུངས་པ།། ཚེ་རབ་སྔོན་ནས་མཐུ་བརྟས་པས།། སྔ་ཕྱི་ཞེན་པའི་རྟོག་པ་ལ།། མ་ཡེངས་ཆོས་ཉིད་རང་གསལ་བ།། དེ་ལ་བསྒོམ་དུ
166a3 བརྡུལ་ཙམ་མེད།། ཡང་ནི་རྟོགས་དོན་འདིར་གསུངས་པ།། རང་བྱུང་ངེས་དོན་རྒྱུན་མི་ཆད།། དེ་ལ་རྟག་ཏུ་ཡིད་བརྟས་ན།། བག་ཆགས་སྒྲིབ་པ་ཤུགས་ལ་དག། ཡེ་ཤེས་མཚོ་ཆེན་སངས་རྒྱས་ཡིན།། ཡང་ནི་རྟོགས
166a4 དོན་འདིར་གསུངས་པ།། དུས་དང་རྣམ་པ་ཐམས་ཅད་དུ།། ཆོས་སྐུའི་དོན་ལས་མི་འདའ་ཕྱིར།། ཡང་དག་ཏིང་འཛིན་རྒྱུན་མི་འཆད།། དེ་ཕྱིར་ངེས་དོན་འགྱུར་བ་མེད།། ཡང་ནི་རྟོགས་དོན་འདིར་གསུངས་པ།།
166a5 འཁོར་བས་མ་བསླད་ཏིང་འཛིན་ལ།། མ་བསྒོམས་ཆོས་ཉིད་ད་ལྟའི་ཐུགས།། བསྒོམ་དང་མི་བསྒོམ་ཅི་ཕྱིར་འཇུག། མཉམ་རྗེ་མེད་པར་རྒྱུན་དུ་གནས།། ཡང་ནི་རྟོགས་དོན་འདིར་གསུངས་པ།། རང་སེམས་མ
166a6 བཅོས་རང་ལུགས་ལ།། མ་བཙལ་དང་བཞག་བསྒོམ་པ་སྟེ།། བརྗོད་དུ་མེད་པས་ཉམས་མྱོང་གསལ།། དེ་དོན་རང་བྱུང་རྟོགས་པ་ཡིན།། ཡང་ནི་དོན་རྟོགས་འདིར་གསུངས་པ།། ངེས་དོན་ཆོས་ཉིད་འགྱུར་མེད་ལ།།
iiif viewer powered by OpenSeadragon
