| e-texts navigator |
| Wylie |
165b1 བཞི།། ཐགས་བཟང་རིས་དང་གང་བ་བཟང་།། མཁའ་ལྡིང་རྒྱལ་པོ་རྟ་མགོ་ཅན།། ཟུར་ཕུད་ལྔ་པ་ནོར་སྲུང་དང་།། མགྲིན་བཅུ་དང་ནི་ཀླུ་རྒྱལ་རྣམས།། ཀུན་རིག་སྟོན་པའི་སྤྱན་སྔར་ནི།། རང་རང་རྟོགས་པ་བརྗོད
165b2 པའི་ཕྱིར།། ངེས་དོན་གདེང་ཉམས་འདིར་གསུངས་པ།། རྩོལ་སྒྲུབ་བྲལ་བ་བྱང་ཆུབ་ཐུགས།། རེ་དོགས་མེད་པས་གོལ་ས་མེད།། དེ་དོན་མ་བྲལ་ཆོས་ཉིད་ལ།། རྒྱུན་དུ་མི་འབྲལ་ཡེ་ནས་གནས།། ཡང་ནི་རྟོགས་དོན
165b3 འདིར་གསུངས་པ།། སྣང་བ་ཆོས་དབྱིངས་རྟོགས་མེད་ལ།། སྒྲོ་སྐུར་བྲལ་བས་ཆོས་ཀྱི་དབྱིངས།། དེ་ཉིད་དུས་མཉམ་རང་གསལ་བ།། སངས་རྒྱས་ཀུན་གྱི་དགོངས་པར་གོ།། ཡང་ནི་རྟོགས་དོན་འདིར་གསུངས་པ།།
165b4 གོལ་ས་མེད་པའི་ལྟ་བ་ལ།། བྱིང་རྒོད་བྲལ་བའི་བསྒོམ་པ་གསལ།། ཕྲག་དོག་མེད་པའི་སྤྱོད་པ་བདེ།། དེ་ཉིད་ཡེ་ཤེས་ཆོས་ཉིད་ཀློང་།། ཡང་ནི་རྟོགས་དོན་འདིར་གསུངས་པ།། ནོར་བུ་ཆུ་འདངས་དཔེ་བཞིན་དུ།།
165b5 དྲན་པ་ཙམ་གྱིས་མ་རིག་སངས།། བཙལ་དུ་མེད་པས་ཡེ་སངས་རྒྱས།། དེ་ཉིད་དུས་ནས་གཟུགས་སྐུ་འབྱུང་།། ཡང་ནི་རྟོགས་དོན་འདིར་གསུངས་པ།། ངེས་དོན་ལུང་ལ་ཡིད་ཆེས་པས།། ཐེ་ཚོམ་མེད་པར་རང་བྱུང
165b6 གསལ།། རིག་པ་མ་འགགས་བདེ་ཆེན་ཀློང་།། དེ་ལས་མི་འགྱུར་དགོངས་པར་ཤེས།། ཡང་ནི་རྟོགས་དོན་འདིར་གསུངས་པ།། ཡུལ་གྱི་མཚན་ཉིད་ཅིར་སྣང་ཡང་།། ཡིད་ཀྱིས་དགག་བསྒྲུབ་མེད་པར་ནི།། ཆོས
iiif viewer powered by OpenSeadragon
