| e-texts navigator |
| Wylie |
165a1 སྐྱོང་དུ་རྡུལ་ཙམ་མེད།། ཡང་ནི་གདེང་ཉམས་འདིར་གསུངས་པ།། མ་བཙལ་པ་ཡི་ཆོས་ཉིད་ལ།། རྟོག་དཔྱོད་མེད་པ་བསྒོམ་པ་སྟེ།། ཉམས་ནི་ཤེས་རིག་གསལ་བ་ལ།། དེ་ལས་མ་ཡེངས་བསྒོམ་པ
165a2 ཡིན།། ཡང་ནི་གདེང་ཉམས་འདིར་གསུངས་པ།། གང་ཡང་མ་སྤངས་སྐྱོན་མ་གོས།། འགྲོ་འོང་མེད་པར་རྒྱུན་དུ་གནས།། བྱིང་རྒོད་སྐྱོན་གྱི་དབང་མི་འགྲོ།། དེ་ལ་སྒྲིབ་མེད་སངས་རྒྱས་ཐུགས།། ཡང་ནི་གདེང་ཉམས
165a3 འདིར་གསུངས་པ།། མ་བཙལ་རང་ལས་རྙེད་པའི་ཕྱིར།། ལྷག་མཐོང་ལྟ་བ་དྲན་པས་བཟུང་།། དེ་དང་མི་འབྲལ་སྒོམ་པའི་གདེང་།། ཡེ་ནས་ཡོད་པས་སྟོར་བྲལ་མེད།། ཡང་ནི་གདེང་ཉམས་འདིར་གསུངས་པ།། སྐུ
165a4 མེད་དམིགས་དང་བྲལ་བའི་ཕྱིར།། ཕྱག་རྒྱ་བསྒྱུར་མི་དགོས་པར་ངེས།། གསུང་མེད་རིག་པའི་དགོངས་པ་ཡིན།། ཡེ་ཤེས་ཐུགས་ལ་འགྱུར་བ་མེད།། དེ་ཡང་རྡོ་རྗེ་སེམས་དཔའ་ཉོན།། གཞན་ཡང་རིག་འཛིན་སེམས
165a5 དཔའི་ཚོགས། བསམ་གྱིས་མི་ཁྱབ་གྲངས་ལས་འདས།། རང་རང་གདེང་ཉམས་མངོན་དུ་གསུངས།། དེ་དོན་ངེས་པའི་ཆོས་སྐུར་གཅིག། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས
165a6 ནམ་མཁའ་དང་མཉམ་པའི་རྒྱུད་ལས། རིག་འཛིན་སེམས་དཔའི་འཁོར་གྱིས་རྟོགས་པ་བརྗོད་པའི་ལེའུ་སྟེ་ཉིས་བརྒྱ་དང་དགུ་པའོ།། །། དེ་ནས་རྒྱལ་སྲས་སྤྲུལ་པའི་ཚོགས།། ཚངས་པ་བརྒྱ་བྱིན་རྒྱལ་ཆེན
iiif viewer powered by OpenSeadragon
