| e-texts navigator |
| Wylie |
163b1 ཉིད་རྟོགས་པས་ཆོས་སྐུར་ཤེས།། ཡང་ནི་རྟོགས་དོན་འདིར་གསུངས་པ།། དྲན་མེད་རིག་པའི་དོན་གསལ་ནས།། དེ་ལ་ཡིད་ཆེས་དོན་ལ་གནས།། ཡེ་ཤེས་རང་ཤར་བཅོས་པ་མེད།། འགྱུར་མེད་རང་གསལ་ཆོས་ཀྱི
163b2 སྐུ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཉིད་ལས་མི་གཞན་པའི་འཁོར་རྣམས་ཀྱི་རྟོགས་པ་བརྗོད་པའི་ལེའུ་སྟེ་ཉིས་བརྒྱ་དང་བརྒྱད་པའོ།། །
163b3 དེ་ནས་ཀུན་བཟང་སྤྱན་སྔར་ནི།། རིག་འཛིན་རྟོགས་པ་བརྗོད་པའི་ཕྱིར།། བློ་གྲོས་གཙོ་དང་རྣམ་དག་སྙིང་།། ནམ་མཁའི་ཡོན་ཏན་འོད་རླབས་ཅན།། ཤེས་རབ་བླ་མ་རྒྱལ་མཚན་འཛིན།། རྣམ་པར་གྲོལ་བའི
163b4 ཏིང་འཛིན་དབང་།། ཆོས་དབང་དང་ནི་བསོད་ནམས་བརྩེགས།། བདུད་བཅོམ་དང་ནི་སེང་གེའི་སྒྲ།། རིན་ཆེན་མཐོང་དང་བརྩེ་བ་ཅན།། དབང་ཕྱུག་གཙོ་དང་ཡིད་དགེ་དང་།། མཐོང་ན་དགའ་དང་བདེན་མོས
163b5 དང་།། གསུང་བརྩེགས་ལ་སོགས་འཁོར་རྣམས་ཀུན།། རྒྱལ་སྲས་སྤྲུལ་པའི་དོན་ཆེད་དུ།། གོ་རིམ་བཞིན་དུ་རྟོགས་པ་བརྗོད།། ཡང་ནི་གདེང་ཉམས་འདིར་གསུངས་པ།། རྩ་བ་ཆོས་སྐུའི་དོན་བཙལ་བ།། བསམ
163b6 པས་མི་རྙེད་བཞག་པས་རྙེད།། དྲན་པ་རང་གསལ་བྱིང་རྒོད་བྲལ།། སྐྱེ་མེད་མི་འགྱུར་བྱ་བཙལ་བྲལ།། ཉམ་ང་མེད་པའི་བདེ་བའི་མཆོག། ཡང་ནི་གདེང་ཉམས་འདིར་གསུངས་པ།། གསལ་བ་མ་ཡེངས་ཆོས་ཀྱི་སྐུ།།
iiif viewer powered by OpenSeadragon
