| e-texts navigator |
| Wylie |
163a1 གྱིས་མ་གོས་ལྷུན་གྱིས་གྲུབ།། ཡང་ནི་གདེང་ཉམས་འདི་གསུངས་པ།། རིག་པ་སྐྱེ་འགག་མེད་པ་ལ།། སྔ་ཕྱི་བྲལ་བས་བྱང་ཆུབ་སེམས།། འབྲལ་བ་མེད་པས་སྐྱེ་མི་ཚུགས།། མ་བཙལ་མ་གྲུབ་ཆོས་ཀྱི
163a2 སྐུ།། ཡང་ནི་གདེང་ཉམས་འདི་གསུངས་པ།། ཕུང་པོ་མེད་ཕྱིར་སྐྱེ་ཤི་བྲལ།། རྒྱུ་རྐྱེན་མ་བསྐྱེད་རང་བྱུང་སྐུ།། མ་འགགས་དོན་ལ་བཙལ་དུ་མེད།། ངེས་དོན་དགོངས་པ་སངས་རྒྱས་ཐུགས།། ཡང་ནི་གདེང་ཉམས
163a3 འདིར་གསུངས་པ།། གདོད་ནས་འགྱུར་མེད་ངོ་བོ་ལ།། སྐྱོན་མེད་དག་པས་བཅོས་མི་དགོས།། དེ་དོན་རང་བྱུང་རིག་པ་ལ།། ཡེ་ཤེས་སྐུ་ལ་གཡོས་པ་མེད།། ཡང་ནི་འདེང་ཉམས་འདིར་གསུངས་པ།། རྒྱུ་ལས་མ་བྱུང
163a4 ཆོས་ཉིད་ལ།། སྐྱོན་མེད་དོན་ལ་མ་ཡེངས་པས།། ཆེད་དུ་མ་བྱས་རྩོལ་བ་གྲོལ།། དེ་ཉིད་རང་རིག་ཆོས་སྐུར་རྟོགས།། ཡང་ནི་དོན་རྟོགས་འདིར་གསུངས་པ།། ཆོས་སྐུ་ཐིག་ལེ་ཉག་གཅིག་ལ།། ཡེངས་མེད་རྒྱུན་དུ་མི
163a5 འབྲལ་བས།། དེ་ཉིད་བསྒོམ་པས་མཆོག་ཏུ་བཤད།། རང་ལ་ཤར་བའི་ཡེ་ཤེས་སྐུ།། ཡང་ནི་གདེང་ཉམས་འདིར་གསུངས་པ།། ཡུལ་མེད་རིག་པའི་ཡེ་ཤེས་ལ།། བལྟས་པས་ཐིག་ལེ་དངོས་མེད་མཐོང་།། གཞན
163a6 ནས་མི་འབྱུང་རང་ལ་རྙེད།། དེ་ལ་མ་ཡེངས་ངེས་དོན་མཆོག། ཡང་ནི་རྟོགས་དོན་འདིར་གསུངས་པ།། གང་ལ་མི་གནས་རང་བྱུང་བ།། མ་འགགས་རིག་པ་རང་ལ་ཤར།། འཕེལ་འགྲིབ་མེད་པ་ནམ་མཁའ་འདྲ།། དེ
iiif viewer powered by OpenSeadragon
