| e-texts navigator |
| Wylie |
162b1 གསོལ།། དད་ལྡན་འཁོར་གྱི་དོན་ཆེད་དུ།། རྒྱལ་སྲས་རྟོགས་པ་བཤད་དུ་གསོལ།། ཕྱི་རབས་རྣལ་འབྱོར་དོན་ཆེད་དུ།། མཁའ་འགྲོ་སྡེ་ལྔ་འཁོར་བཅས་པས།། རང་རང་རྟོགས་པ་བཤད་དུ་གསོལ།། དེ་སྐད་ཞུས
162b2 པས་དོན་གསན་ནས།། ཀུན་རིག་སྟོན་པས་བཀའ་སྩལ་པ།། ད་ཡང་འདུས་པའི་འཁོར་བཞི་ཀུན།། ཕྱི་རབས་རྣལ་འབྱོར་དོན་ཆེད་དུ།། རང་སེམས་ཆོས་སྐུར་རྟོགས་པའི་དོན།། རང་རང་ཐུགས་ལ་མངའ་བ་ཡི།།
162b3 ཚིག་ཏུ་མཚོན་པ་འདིར་བརྗོད་ཅིག། དེ་སྐད་གསུངས་པས་དོན་གོ་ནས།། ཀུན་རིག་སྟོན་པའི་སྤྱན་སྔ་རུ།། འདུས་པའི་འཁོར་ནི་རྣམ་བཞི་ཡི།། རང་རང་རྟོགས་པ་བརྗོད་པའི་ཕྱིར།། ཉིད་ལས་མི་གཞན་འཁོར
162b4 རྣམས་ནི།། ཕྱོགས་བཅུ་དག་པའི་སངས་རྒྱས་ནི།། རྡོ་རྗེ་གསང་བ་རིན་ཆེན་སྙིང་།། དྲི་མེད་གྲགས་དང་ལས་རབ་གྲུབ།། རྒྱལ་བའི་དབང་པོ་བསོད་ནམས་སྙིང་།། ཞི་བ་བདེན་དང་ཉི་མའི་འོད།། ནམ་མཁའི་སྙིང་པོ
162b5 འབུམ་གཟིགས་རྣམས།། རིག་འཛིན་སེམས་དཔའི་དོན་ཆེད་དུ།། རང་རང་རྟོགས་པའི་གདེང་ཉམས་ནི།། གོ་རིམ་བཞིན་དུ་རྟོགས་བརྗོད་པ།། དངོས་པོ་མེད་པའི་ཆོས་ཉིད་ལ།། རིག་པ་སྐྱེ་འགག་མེད་པའི
162b6 གནས།། དེ་ཡི་ངང་ལས་མ་གཡོས་ན།། ལྷུན་གྲུབ་ཡེ་ཤེས་ཆོས་ཀྱི་སྐུ།། ཡང་ནི་གདེང་ཉམས་འདི་གསུངས་པ།། རྟོག་མེད་མ་བརྗོད་འགྱུར་བ་མེད།། ཡེ་ཤེས་ཆེན་པོ་རྒྱུན་མི་ཆད།། དེ་ནི་རང་བྱུང་ཆེན་པོ་སྟེ།། སྐྱོན
iiif viewer powered by OpenSeadragon
