| e-texts navigator |
| Wylie |
162a1 མི་དགོས།། རང་བྱུང་རིག་པའི་ཆོས་སྐུ་ལ།། དུས་གསུམ་འཁྲུག་ཀྱང་འཕོ་འགྱུར་མེད།། སྟོང་གསུམ་ཞིག་ཀྱང་ཉམས་མི་སྲིད།། རང་བྱུང་ཆོས་སྐུ་ཁ་མིག་ཅན།། དེ་ཡི་གཟུགས་བརྙན་གཟུགས་སྐུ
162a2 གཉིས།། མ་བཙལ་རང་བྱུང་ཆོས་སྐུར་སྟོན།། དེ་ཡང་རྡོ་རྗེ་སེམས་དཔའ་ཉོན།། རྒྱུད་ལུང་ཉན་ཐོས་ཡན་ཆད་ལ།། འབྲས་བུ་གཟུགས་སྐུ་འབྱུང་མི་སྲིད།། ཡིད་སྨོན་གྱིས་ནི་སངས་རྒྱས་ཀྱང་།། ངེས་དོན་ཡང་ཏིའི
162a3 སངས་རྒྱས་མིན།། ད་ཡང་འདུས་པའི་སྙིང་པོ་ཉོན།། ངེས་དོན་རྫོགས་པའི་སངས་རྒྱས་ནི།། དུས་དང་རྣམ་པ་ཐམས་ཅད་དུ།། འདུས་མ་བྱས་པའི་སངས་རྒྱས་ནི།། དངོས་མེད་རང་བྱུང་རིག་པའི་སྐུ།། ངེས་དོན་ཆོས
162a4 སྐུར་ཤེས་པ་ལ།། དྲང་བའི་དོན་དུ་གཟུགས་སྐུར་འབྱུང་།། ཐབས་ལ་མི་བརྟེན་ཡོན་ཏན་རྫོགས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡང་དག་ངེས
162a5 དོན་གྱི་སངས་རྒྱས་བསྟན་པའི་ལེའུ་སྟེ་ཉིས་བརྒྱ་དང་བདུན་པའོ།། སྡོམ་དུ་བསྡུས་ཏེ་བསྟན་པ་བཞི་བཅུ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་གདགས་ཕྱིར།། ཀུན་རིག
162a6 རང་བྱུང་སྟོན་པ་ལ།། བདེན་པའི་ཡིད་ཀྱིས་འདི་སྐད་གསོལ།། རིག་འཛིན་སེམས་དཔའི་དོན་ཆེད་དུ།། སངས་རྒྱས་རྟོགས་པ་བཤད་དུ་གསོལ།། རྒྱལ་སྲས་སྤྲུལ་པའི་དོན་ཆེད་དུ།། རིག་འཛིན་རྟོགས་པ་བཤད་དུ
iiif viewer powered by OpenSeadragon
