| e-texts navigator |
| Wylie |
161a1 སངས་རྒྱས་སྐྱེ་བ་འདིར།། རྡོ་རྗེ་འཆང་གི་ས་ནོན་ཚེ།། ཐབས་དང་ཤེས་རབ་བདེ་སྤྱོད་པ།། དགའ་འདུས་ཕོ་མོའི་དཔེ་བཞིན་དུ།། འཁྲིག་པའི་སྦྱོར་བའི་ཐབས་ཀྱིས་ཀྱང་།། སངས་རྒྱས་ཐམས་ཅད
161a2 བསྐྱེད་པར་བྱེད།། ད་ཡང་འདུས་པའི་སྙིང་པོ་ཉོན།། ཞི་ཁྲོའི་ལྷ་ཚོགས་རྒྱན་དང་བཅས།། འདོད་ཆགས་འཁྲིག་པའི་ཚུལ་དུ་གནས།། དེས་བསྐྱེད་སངས་རྒྱས་ངོ་བོ་ལ།། ཡེ་ནས་ལྷ་ཡི་དཀྱིལ་འཁོར་ཉིད།། བགྲང
161a3 གིས་མི་ལང་ཕོ་མོ་ཀུན།། འགྲོ་དོན་མ་ལུས་དུས་གཅིག་བྱེད།། དེ་ཡང་འཁོར་གྱི་སྙིང་པོ་ཉོན།། ཆོས་རྣམས་སྣང་སྟོང་དབྱེར་མེད་པར།། ནམ་མཁའ་སྟོང་ལ་གཞའ་ཚོན་འདྲ།། སྐྱེ་ཤི་མེད་པ་སྨོས་ཅི་དགོས།། དུས
161a4 འདིར་འབྱུང་བས་ཁྱད་པར་འཕགས།། དེ་ཕྱིར་ཐབས་ལ་བསྟེན་པའི་མིས།། འབྲས་བུ་བྱང་ཆུབ་ཆུད་མི་འཛའ།། ཐབས་ཀྱི་ནང་ན་དམ་པའི་མཆོག། དེ་ཡང་རྡོ་རྗེ་སེམས་དཔའ་ཉོན།། རྗེས་སུ་རྣལ་འབྱོར་སངས་རྒྱས
161a5 ནི།། མ་བསྐྱེད་རྫོགས་པས་ཡེ་ཤེས་ཀློང་།། ལྷ་ཡིས་དཀྱིལ་འཁོར་རང་བྱུང་སྐུ།། དེ་ཡང་འདུས་པའི་སྙིང་པོ་ཉོན།། ཀུན་བཟང་རོལ་པ་ཐབས་ཀྱི་ཡབ།། ཀུན་ཏུ་བཟང་མོ་ཤེས་རབ་ཡུམ།། བདེ་ཆེན་གཉིས་མེད་རོལ
161a6 པའི་རྩལ།། གཞའ་ཚོན་རིག་འདྲ་དངོས་མེད་གསལ།། ཐུགས་ནི་རིག་པའི་ཡེ་ཤེས་ཅན།། ཕྱི་ནང་བཙལ་དུ་གང་ཡང་མེད།། ནམ་མཁའི་དཀྱིལ་དུ་ཉི་ཤར་ལྟར།། རང་ལ་རྫོགས་པས་བསྐྱེད་མི་དགོས།། བཙལ་དུ
iiif viewer powered by OpenSeadragon
