| e-texts navigator |
| Wylie |
160a1 ངེས་དོན་སྙིང་པོ་མ་མཐོང་ཕྱིར།། གཞི་ན་མ་རིག་ཡོད་པས་ནས།། རྩོལ་བ་བྱས་པས་ཆོས་སྐུ་བསྒྲིབས།། དེ་ཕྱིར་ཡང་དག་སངས་རྒྱས་མིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས
160a2 ནམ་མཁའ་དང་མཉམ་པའི་རྒྱུད་ལས།། རྒྱུ་མཚན་ཉིད་ཀྱི་སངས་རྒྱས་འདོད་ལུགས་བསྟན་པའི་ལེའུ་སྟེ་ཉིས་བརྒྱ་དང་བཞི་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།།
160a3 ཀྲི་ཡ་ལྷ་དང་ལྷ་མོ་དང་།། ཕོ་མོ་གཉིས་ཀྱི་ཚུལ་དུ་གནས།། མིང་སྲིང་ལྕམ་དྲལ་ཚུལ་དུ་ཡོད།། ཐབས་དང་ཤེས་རབ་བདེ་བ་ཡང་།། བལྟ་བའི་ཚུལ་དུ་བལྟས་པས་ཚིམ།། མི་ཚེ་བདུན་དུ་བསྒྲུབས་པའི་མཐུས།། དྲང
160a4 སྲོང་རིག་འཛིན་ས་ཐོབ་སྟེ།། སྐྱེ་བ་མེད་པའི་རྡོ་རྗེ་འཛིན།། རིགས་གསུམ་མགོན་པོར་སངས་རྒྱས་པ།། བྲམ་ཟེའི་ཚུལ་དུ་གཙང་སྤྱད་པས།། དག་པའི་སངས་རྒྱས་འབའ་ཞིག་ཡོད།། དེ་ཡང་འདུས་པའི་སྙིང་པོ
160a5 ཉོན།། ཀུན་ཀྱང་ལོངས་སྤྱོད་རྫོགས་སྐུ་ལ།། གཟུགས་བརྙན་ཆུ་ཟླ་ལྟ་བུ་ལ།། འགྲོ་དོན་སྨོན་ལམ་སྟོབས་ཀྱིས་བྱེད།། དེ་ཕྱིར་དག་པའི་སངས་རྒྱས་འདོད།། དེ་ཡང་རྡོ་རྗེ་སེམས་དཔའ་ཉོན།། ཡོ་ག་རྣལ་འབྱོར
160a6 སེམས་དཔའ་ཡིས།། འབྲས་བུ་ཕྱག་རྒྱ་བཞི་བསྒྲུབ་སྟེ།། འབྲས་བུ་སྟུག་པོ་བཀོད་པའི་སར།། ཆོས་ཀྱི་དབྱིངས་སུ་སངས་རྒྱས་འདོད།། དེ་ཡང་འདུས་པའི་སྙིང་པོ་ཉོན།། ཐབས་དང་ཤེས་རབ་བདེ་སྤྱོད་ནི།། ལྷ་དང
iiif viewer powered by OpenSeadragon
