| e-texts navigator |
| Wylie |
15b1 མེད་ཕྱིར། ཤེས་བཞིན་ལུང་མ་བསྟན་ཞེས་བྱ།། དེ་ཡང་འདུས་པའི་སྙིང་པོ་ཉོན།། རང་བཞིན་ངོ་བོའི་ལུས་དེ་ནི།། ཡེངས་དང་མ་ཡེངས་ཆ་མེད་པས།། ཧད་དེ་བུན་ནེ་ཙམ་དུ་གནས།། རང་བྱུང་རྣམ་ཤེས་རྐྱེན་དབང
15b2 འགྱུར།། དེ་ཕྱིར་ལུང་མ་བསྟན་ཞེས་བྱ།། གཞི་ནི་དྲན་དང་མ་དྲན་གྱི།། བློ་ནི་འཇུག་ཅིང་དོན་མི་ཤེས།། མ་རིག་གཞི་ནི་ལུང་མ་བསྟན།། དེ་ཕྱིར་འཁོར་བའི་གཞི་ཞེས་བྱ།། ཡིད་བྱུང་རིམ་འགྲིབ་ལོག་པའི་རྒྱུས།།
15b3 གྱགྱི་གྱུ་ཙམ་དུ་དྲན་ཡོད་ཀྱང་།། དོན་དུ་མ་ཤེས་དེ་ཁོ་ན།། མ་རིག་བསྐོར་བའི་གཞི་མེད་ཕྱིར།། དང་པོ་འཁོར་བ་དེ་ལས་བྱུང་།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི
15b4 རྒྱུད་ལས། འཁོར་བའི་གཞི་བསྟན་པའི་ལེའུ་སྟེ་བདུན་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། འགྲོ་དྲུག་སྡུག་བསྔལ་བྱུང་བ་ནི།། དང་པོ་འཁོར་འདས་པར
15b5 དོ་ལ། མེད་ལ་ཡོད་དྲན་ཡིད་ཙམ་བྱུང་།། ལུང་མ་བསྟན་ཕྱིར་རིམ་གྱིས་འགྲིབ།། ཤེས་པ་མུན་པོ་ཐིབ་ཀྱིས་འཐིབ།། དཔྱད་ཀྱང་ངོ་མི་ཤེས་པ་དང་།། གང་ཡང་མི་ཤེས་གཏི་མུག་ལ།། བག་ཉལ་ཞེན་པ་ཕྲ་མོ
15b6 བྱུང་།། དེ་མ་ཐག་ཏུ་འཛིན་པ་ཡིས།། མ་རིག་ལྷན་ཅིག་རྣམ་གསུམ་ལ།། ཀུན་བརྟགས་གསུམ་གྱིས་རྐྱེན་བྱས་པས།། ཐག་པ་སྦྲུལ་དུ་འཛིན་པ་བཞིན།། དཔའ་བོ་ཡུལ་ཡན་གཟུང་འཛིན་གྱིས།། འཇིག་རྟེན་ལྷ་མི
iiif viewer powered by OpenSeadragon
