| e-texts navigator |
| Wylie |
159b1 ཚོགས་ནི་རྣམ་པ་གཉིས་བསགས་ཏེ།། ལམ་ལྔ་རིམ་གྱིས་བགྲོད་བྱེད་དེ།། དཀའ་ཐུབ་མཐར་ཕྱིན་འབྲས་བུར་ངེས།། བུད་མེད་ལུས་པོར་ཕོ་ལུས་ཐོབ།། བདེན་བཞི་སྤང་བླང་ཉན་ཐོས་ཀྱི།། ས་རྣམས་གནོན་པའི
159b2 འབྲས་བུ་ནི།། དགྲ་བཅོམ་ཆེན་པོ་སྡུག་བསྔལ་བྲལ།། ཚངས་པར་སྤྱོད་པའི་དགེ་སློང་ཚོགས།། བདེ་སྒྱིད་ལྡན་པ་སྦྲུལ་སྐུའི་ཚུལ།། བྱ་བ་བྱས་ཤིང་ཨརྟན་པ།། ཟག་པ་ཟད་ཅིང་འཁོར་བ་སྟོངས།། ད་ཡང་རྡོ་རྗེ
159b3 སེམས་དཔའ་ཉོན།། ཡང་ཏི་རྫོགས་ཆེན་ཡས་བལྟས་ན།། འགྲོ་དོན་མི་བྱེད་ཐབས་དང་བྲལ།། ཆོས་སྐུ་མ་རྟོགས་ཤེས་རབ་བྲལ།། ལུང་ལྡན་ངེས་པའི་དོན་མ་མཐོང་།། ཐབས་མེད་ཤེས་རབ་བྲལ་བའི་ཕྱིར།། ཉན
159b4 རང་རྒྱལ་ཉིད་དུ་ལྟུང་།། དེ་ཕྱིར་ངེས་པའི་སངས་རྒྱས་མིན།། བྱང་ཆུབ་སེམས་དཔའི་འབྲས་བུ་ཡང་།། བྱང་ཆུབ་མཆོག་ཏུ་སེམས་བསྐྱེད་ནས།། འགྲོ་བའི་དོན་དུ་དཀའ་སྤྱད་ཕྱིར།། ཐབས་ནི་ཕ་རོལ་ཕྱིན་པ
159b5 བཅུས།། སྒྲིབ་གཉིས་སྦྱངས་ནས་ཚོགས་གཉིས་རྫོགས།། ད་ཡང་འདུས་པའི་སྙིང་པོ་ཉོན།། ཀུན་ཏུ་འོད་ཀྱི་ས་ལ་ནི།། མི་ལུས་མེད་པར་ལོངས་སྐུའི་ཚུལ།། མཚན་དང་དཔེ་བྱད་ཐམས་ཅད་ལྡན།། དོན་དམ་རང
159b6 བཞིན་མེད་པ་ཡི།། སངས་རྒྱས་ཆེ་བའི་ཆོས་ཀུན་མཁྱེན།། གདུལ་བྱ་འཁོར་གྱིས་ལོངས་སྐུར་མཐོང་།། དེ་ཡང་འཁོར་གྱི་སྙིང་པོ་ཉོན།། བྱང་ཆུབ་སེམས་དཔའི་སངས་རྒྱས་ཀྱང་།། ཡང་ཏི་རྫོགས་ཆེན་ལས་བལྟས་ན།།
iiif viewer powered by OpenSeadragon
