| e-texts navigator |
| Wylie |
159a1 ཀུན་ལ་སྨན་པའི་སྨན་མཆོག་བཞིན།། ངེས་དོན་རྟོགས་པའི་འབྲས་བུ་ནི།། གོལ་སྒྲིབ་ལྟ་སྤྱོད་ངེས་པའི་མཆོག། འགྲོ་བ་ཀུན་ལ་ཕན་པའི་ཆོས།། ཕྱི་མ་མ་ཡིན་དུས་འདིར་འབྱུང་།། དེ་ཡང་རྡོ་རྗེ་སེམས
159a2 དཔའ་ཉོན།། ཆུ་བོ་བཞི་འདུས་རྒྱ་མཚོ་རུ།། ཆུ་བྲན་མང་པོ་ཀུན་འདུས་པ།། རྒྱ་མཚོ་ཆེན་པོར་རོ་གཅིག་བཞིན།། ཆོས་སྐུ་ཐིག་ལེ་ཉག་གཅིག་ཏུ།། བལྟ་བསྒོམ་སྤྱོད་པ་འབྲས་བུར་འདུས།། དེ་ཕྱིར་རང་རིག་ཆོས་སྐུ
159a3 ཉིད།། དེ་རྩལ་སྣང་བ་ཆོས་དབྱིངས་ལ།། གང་ཡང་མ་འགགས་ལྷུན་གྱིས་འགྲུབ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། འགྱུར་བ་མེད་པའི་དཔེ་དོན
159a4 མཐར་ཐུག་བསྟན་པའི་ལེའུ་སྟེ་ཉིས་བརྒྱ་དང་གསུམ་པའོ།། སྡོམ་དུ་བསྡུས་ཏེ་བསྟན་པ་སོ་དགུ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་དོན་དུ།། ཀུན་རིག་ཆོས་ཀྱི་རྒྱལ་པོ
159a5 ལ།། ངེས་པའི་དགོས་དོན་འདི་སྐད་གསོལ།། མཚན་ཉིད་སངས་རྒྱས་ཇི་ལྟར་བཞེད།། ཀྲི་ཡོག་སངས་རྒྱས་ཇི་ལྟར་འདོད།། བསྐྱེད་རྫོགས་གཉིས་ཀྱི་སངས་རྒྱས་གང་།། ཨ་ཏིའི་སངས་རྒྱས་ཅི་ལྟར་གང་།། ཡང་ཏིའི
159a6 སངས་རྒྱས་ཇི་ལྟར་གནས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་ལ།། ཉན་ཐོས་རང་རྒྱལ་མདོ་སྡེ་ནི།། བསྐལ་པ་གྲངས་མེད་གསུམ་དུ་ནི།།
iiif viewer powered by OpenSeadragon
