| e-texts navigator |
| Wylie |
158b1 པའི་ཚོགས་རྣམས་ལ།། འགྱུར་མེད་དོན་གྱི་དཔེ་དོན་ནི།། ཀུན་རིག་སྟོན་པས་བཀའ་སྩལ་པ།། ཆུ་བོ་ཆེན་པོའི་དཔེ་བཞི་ཡིས།། མི་འགྱུར་དོན་ཆེན་ངེས་མཚོན་པ།། བཤད་ཀྱིས་འཁོར་རྣམས་ལེགས་པར་ཉོན།། ཆུ
158b2 གཞན་སྐྱེ་འབྲི་ཡོད་མོད་ཀྱང་།། ཆུ་བོ་ཆེན་པོ་གང་གཱ་ལ།། དབྱར་སྐྱེ་དགུན་འབྲི་མེད་པར་ནི།། རྒྱུན་མི་ཆད་པར་རྟག་པ་བཞིན།། རང་བྱུང་སྐྱེ་མེད་རྣལ་འབྱོར་ལ།། དུས་དང་རྣམ་པ་ཐམས་ཅད་དུ།། ལྟ་བ་འཕེལ
158b3 འགྲིབ་མེད་པར་ནི།། ཡེ་ཤེས་ཆེན་པོ་རྒྱུན་མི་ཆད།། ད་ཡང་འདུས་པའི་སྙིང་པོ་ཉོན།། ཆུ་གཞན་མཚོ་རབ་ཡོད་མོད་ཀྱང་།། ཆུ་བོ་ཆེན་པོ་པཀྵ་ཡི།། གཏིང་ལ་རིང་ཐུང་མེད་འབབ་ཅིང་།། དྲག་དལ་མེད་པར་སྙོམས
158b4 པ་བཞིན།། ཐེག་གཞན་རེས་འཇོག་ཡོད་གྱུར་ཀྱང་།། ངེས་དོན་ཆོས་ཉིད་ཏིང་འཛིན་ལ།། ཐུན་མཚམས་མེད་པར་རྒྱུན་དུ་གནས།། དེ་ཕྱིར་འབྱུང་འཇུག་མེད་པར་གསལ།། དེ་ཡང་འདུས་པའི་སྙིང་པོ་ཉོན།། ཆུ
158b5 གཞན་འགྱུར་འགྱུར་ཡོད་མོད་ཀྱང་།། ཆུ་ཆེན་ནེ་རཉྫ་ན་ལ།། ཀྱག་ཀྱོག་མེད་པར་དལ་འབབ་ཅིང་།། དྲང་པོར་འགྱུར་བ་མེད་པ་བཞིན།། ཐེག་གཞན་བླང་དོར་ཆེད་བྱེད་ཀྱང་།། ངེས་དོན་ཡང་ཏི་རྫོགས་ཆེན་ལ།།
158b6 བཟང་ངན་ཆེ་ཆུང་མེད་པར་མཉམ།། འགྱུར་མེད་བླང་དོར་མེད་པར་སྤྱོད།། ད་ཡང་འཁོར་གྱི་སྙིང་པོ་ཉོན།། ཆུ་གཞན་སྨན་དུག་གཉིས་ཡོད་ཀྱང་།། སི་ཏིའི་ཆུ་བོ་ཆེན་པོ་ལ།། དུག་མེད་སྨན་གྱིས་ནད་ཀུན་སེལ།།
iiif viewer powered by OpenSeadragon
