| e-texts navigator |
| Wylie |
158a1 ཡང་འདུས་པའི་སྙིང་པོ་ཉོན།། སྨན་མཆོག་རྒྱལ་པོ་ཆེན་པོའི་དཔེ།། ལྷ་ཡིས་བདུད་རྩི་མ་གི་ཏས།། ཤི་བ་ཀུན་སློངས་སྨན་གྱི་མཆོག། གང་ལ་རེག་པས་འཚོ་བར་ལྟར།། ཡང་ཏི་ཐིག་ལེ་ཉག་གཅིག
158a2 ལ།། ངེས་པའི་ལུང་ལྡན་དོན་བསྟན་ན།། ལུས་ངག་རྩོལ་བ་མི་དགོས་པར།། བསྟན་དང་སངས་རྒྱས་དུས་མཉམ་འབྱུང་།། དེ་ཕྱིར་མན་ངག་ཤེས་པ་མཆོག། དེ་ཡང་འདུས་པའི་སྙིང་པོ་ཉོན།། གསུང་གི་སྤྲུལ་པ་ཤཱཀ
158a3 ཐུབ་ཀྱིས།། སེམས་ཅན་སྐྱེ་བོ་ལས་དག་ལ།། སྡེ་སྣོད་རྣམ་པ་གསུམ་གྱི་ཆོས།། བསྐལ་པ་གྲངས་མེད་རྣམ་གསུམ་ན།། འབྲས་བུ་བཅུ་གཅིག་ས་གནན་འདོད།། ད་ཡང་འདུས་པའི་སྙིང་པོ་ཉོན།། དཔེར་ན་དཔག
158a4 བསམ་ལྗོན་ཤིང་ལ།། བསོད་ནམས་ཆེ་ཆུང་རིམ་པ་ཡིས།། འབྲས་བུ་སྣ་ཚོགས་རབ་འབྲིང་འབྱུང་།། དེ་ཕྱིར་ལས་དང་རྐྱེན་ལས་འབྱུང་།། དེ་བཞིན་དྲང་དོན་ཆོས་རྣམས་ཀུན།། གང་ཟག་བློ་ཡི་རིམ་པ་ལས།། ཅི
158a5 རིགས་པ་ཡི་ཆོས་བསྟན་པས།། འབྲས་བུ་ལྷ་དང་མི་རུ་སྐྱེ།། དེ་ཡང་འདུས་པའི་སྙིང་པོ་ཉོན།། དྲང་དོན་ཆོས་ཀྱིས་སངས་མི་རྒྱ།། ཨ་མྲའི་འབྲས་བུ་སྨིན་མི་སྲིད།། མ་རྟོགས་ཆོས་ཀུན་ཅི་སྤྱད་ཀྱང་།། རྣམ་པར་གྲོལ
158a6 བར་མི་འགྱུར་རོ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། འབྲས་བུ་མཐར་ཐུག་བསྟན་པའི་ལེའུ་སྟེ་ཉིས་བརྒྱ་དང་གཉིས་པའོ།། །། དེ་ནས་འདུས
iiif viewer powered by OpenSeadragon
