| e-texts navigator |
| Wylie |
157b1 གཟུགས་ནི་ཐ་དད་པར།། བྱས་པ་དེ་དག་མིང་རེར་གྲགས།། གྲགས་ཀྱང་གསེར་གྱི་ངོ་བོར་གཅིག། དེ་བཞིན་འཁོར་འདས་སྣ་ཚོགས་ལ།། བླུན་པོ་རྣམས་ཀྱིས་ཐ་དད་བཟུང་།། དེ་ཕྱིར་སྤོང་སྡུད་ཞེན་པ་བྱས།། གཞི
157b2 ལ་ངོ་བོ་གཅིག་ལས་མེད།། དེ་ཡང་འདུས་པའི་སྙིང་པོ་ཉོན།། དཔེར་ན་ནོར་བུ་རིན་ཆེན་ལ།། རྙེད་པ་ཡོད་ལ་སྟོར་བ་མེད།། རང་བྱུང་ངོ་བོ་རྟོགས་པ་ལ།། མ་བཙལ་ཡོན་ཏན་ཐམས་ཅད་འབྱུང་།། དེ་ཕྱིར་ཆོས་སྐུ
157b3 ཉིད་ཀྱི་རྩལ།། རྟོགས་པའི་བྱིན་རླབས་སྐུ་གསུམ་འབྱུང་།། ཆོས་སྐུ་ཀུན་བཟང་ངེས་དོན་ལ།། རྟོགས་པས་ཆོག་ཕྱིར་ཡེ་སངས་རྒྱས།། དེ་ཡང་རྡོ་རྗེ་སེམས་དཔའ་ཉོན།། སྐུ་ཡིས་སྤྲུལ་པ་སྣང་མཛད་ཀྱིས།། དག་པར
157b4 སྤྱོད་པའི་རྣལ་འབྱོར་ལ།། ཕྱི་རྒྱུད་རྣམ་གསུམ་ཆོས་བསྟན་ཏེ།། རྡོ་རྗེ་འཛིན་པའི་ས་རུ་བཏགས།། དཔེར་ན་གསེར་སྦྲུལ་མིག་གིས་ནི།། འདོད་པའི་ཡོན་ཏན་རྣམ་ལྔ་ཡང་།། དུས་གཅིག་ཉམས་སུ་མྱོང་བ་དང་།། དར
157b5 ཡ་ཀན་གྱི་སྨན་མཆོག་བཞིན།། སྐུ་དང་ཡེ་ཤེས་མ་ལུས་པའི།། ཆེ་བའི་ཡོན་ཏན་འབྱུང་འདོད་པས།། གཞན་དོན་སྨོན་ལམ་མཐར་ཕྱིན་པས།། ལོངས་སྤྱོད་རྫོགས་སྐུ་འགྲོ་དོན་བྱེད།། ད་ཡང་འདུས་པའི་སྙིང་པོ
157b6 ཉོན།། ཐུགས་ཀྱི་སྤྲུལ་པ་བྱུང་བ་ནི།། རྡོ་རྗེ་སེམས་དཔའ་ཉིད་ཡིན་ཏེ།། སྣོད་དང་ལྡན་པའི་རིག་འཛིན་ལ།། རྒྱུད་ལུང་གཉིས་ཀྱི་ངེས་པའི་ཆོས།། སྐྱེ་བ་ཚེ་གཅིག་བསྒྲུབ་གྱུར་ན།། རྡོ་རྗེ་འཆང་གི་ས་ལ་གཏུགས།། དེ
iiif viewer powered by OpenSeadragon
