| e-texts navigator |
| Wylie |
157a1 བརྙན་དང་།། མུ་དུམ་ཝ་རའི་མེ་ཏོག་འདྲ།། སྦྲུལ་སྐུ་རང་གི་ངོ་བོ་ནི།། ཐུབ་པ་དྲུག་ཏུ་སྒྲ་སྦྲུལ་ཏེ།། མི་ཡི་ཤཱཀྱ་ཐུབ་པར་སྤྲུལ།། ལྷ་མི་རྣམས་ཀྱིས་སྟོན་པ་ཡིན།། ད་ཡང་རྡོ་རྗེ་སེམས་དཔའ་ཉོན།། ཞིང
157a2 ཁམས་སྲིད་གསུམ་གནས་རིས་འདིར།། འགྲོ་དྲུག་སེམས་ཅན་ལས་དག་ལ།། ཚོགས་གཉིས་བསགས་པའི་ཐབས་བསྟན་ནས།། སྒྲིབ་སྦྱང་འབྲས་བུ་རིམ་གྱིས་འབྱུང་།། སྦྲུལ་སྐུའི་གསུང་གི་སྒོ་ནས་ནི།། གང་ལ་གང
157a3 འོས་དྲང་དོན་དུ།། དགེ་སྡིག་རྒྱུ་འབྲས་གཉིས་ཀྱི་ཆོས།། སྡེབ་སྦྱོར་ལེགས་པའི་ཚིག་ཏུ་སྟོན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྤྲུལ་པའི་སྐུའི
157a4 གདུལ་བྱ་བསྟན་པའི་ལེའུ་སྟེ་ཉིས་བརྒྱ་དང་གཅིག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། འབྲས་བུ་ངེས་པར་མཐར་ཟུག་ཕྱིར།། ཆེ་བའི་ཡོན་ཏན་གཏན་ལ
157a5 དབབ།། དེ་དོན་ལེགས་པར་བཤད་ཀྱིས་ཉོན།། འཁོར་འདས་གཉིས་ཀྱི་གཞིར་གྱུར་པ།། རང་བྱུང་ངོ་བོ་ཉིད་ཀྱི་སྐུ།། དེ་ལས་འཁོར་འདས་ཐམས་ཅད་བསྐྱེད།། གཞི་ལ་འཁོར་འདས་གྲུབ་པ་མེད།། གཞི་ལ་མཐོང
157a6 སྣང་སྣ་ཚོགས་པས།། འཁྲུལ་ངོར་བདེན་ཀྱང་དོན་ལ་མེད།། དེ་ཕྱིར་རང་བྱུང་ཀུན་གྱི་གཞི།། དེ་ལ་བསྐྱེད་པར་ནུས་པ་མེད།། དེ་ཡང་རྡོ་རྗེ་སེམས་དཔའ་ཉོན།། དཔེར་ན་གསེར་རྒྱུ་གཅིག་པ་ལ།། དབྱིབས་དང
iiif viewer powered by OpenSeadragon
