| e-texts navigator |
| Wylie |
156b1 བཀའ་སྩལ་པ།། སངས་རྒྱས་ལོངས་སྤྱོད་རྫོགས་པའི་སྐུ།། དེ་ཡིས་གདུལ་བྱ་ངེས་པར་འབྱུང་།། དེ་དོན་ལེགས་པར་བཤད་ཀྱིས་ཉོན།། ལོངས་སྐུ་འབྱུང་བའི་མཐུན་དཔེ་ནི།། ནམ་མཁའ་དངོས་མེད་སྟོང་པ་ལ།།
156b2 གཞའ་ཚོན་སྣ་ལྔ་མ་འདྲེས་གསལ།། དེ་ཙམ་ཉིད་ན་དངོས་མེད་ཡིན།། དེ་བཞིན་རང་གི་ངོ་བོ་ལ།། སྐྱེ་མེད་ཆོས་སྐུ་ཉིད་ཀྱི་རྩལ།། རིག་ལྔ་སྐུ་མདོག་བརྒྱན་པ་བྱུང་།། དེ་ཕྱིར་ལོངས་སྐུ་སངས་རྒྱས་ཡིན།། ཀུན་གཞི
156b3 ཆོས་སྐུ་གཞི་ཆ་ལ།། སྔ་ཕྱི་བག་ཆགས་མེད་པར་གསལ།། འབྱུང་ལྔ་རོལ་པ་སྣ་ཚོགས་ཀྱང་།། ཞེན་པ་མེད་པ་ཆོས་ཀྱི་དབྱིངས།། ཡང་དག་ངེས་པའི་འབྲས་བུ་རྙེད།། ལོངས་སྤྱོད་རྫོགས་པའི་སྐུའི་སྒོ་ནས།། ལྡེམ
156b4 དགོངས་ཕྱི་ནང་གསང་བའི་དོན།། ས་བཅུའི་རིག་འཛིན་སེམས་དཔའ་ལ།། གསང་སྔགས་རང་གི་ངོ་བོས་བསྟན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས།།
156b5 ལོངས་སྐུའི་འཁོར་གྱི་གདུལ་བྱ་བསྟན་པའི་ལེའུ་སྟེ་ཉིས་བརྒྱ་ཐམ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། སྤྲུལ་པའི་སྐུ་ཡི་སངས་རྒྱས་ནི།། ཅིར་ཡང་སྟོན་ཕྱིར
156b6 སྤྲུལ་པའི་སྐུ།། འགྲོ་བའི་དོན་ཕྱིར་གདུལ་བྱ་ལ།། ཅི་རིགས་པར་ནི་དོན་མཛད་དེ།། ད་ཡང་འདུས་པའི་སྙིང་པོ་ཉོན།། གཞན་དོན་སྦྲུལ་སྐུའི་མཐུན་དཔེ་ནི།། ངེས་མེད་བྲག་ཆ་ཁྱུང་དང་ནི།། སེང་གེ་ཆུ་ཟླ་གཟུགས
iiif viewer powered by OpenSeadragon
