| e-texts navigator |
| Wylie |
151b1 སོགས་གང་རུང་ལ།། བྱ་ཁྱི་རྣམས་ཀྱི་ཟས་སུ་མཐོང་།། མི་རྣམས་ཀྱིས་ནི་མི་གཙང་མཐོང་།། དེ་བས་སྣང་བ་མ་ངེས་ཕྱིར།། དོན་ལ་བླང་དོར་མེད་པ་ཡིན།། དེ་ཡང་འདུས་པའི་སྙིང་པོ་ཉོན།། གཞི་ལ་སྣང་བ་མེད་པ
151b2 ཡང་།། རང་གི་རང་སེམས་འཁྲུལ་བའི་ཕྱིར།། འཇིག་རྟེན་ཆོས་ལ་བླང་དོར་བྱས།། དེ་ཕྱིར་མ་རིག་རྨོངས་པས་ནོར།། དེ་བས་སྣང་ཞིང་སྲིད་པའི་ཆོས།། མེད་ལ་ཡོད་འཛིན་བག་ཆགས་བློ།། ཆོས་བརྒྱད་བཟང་ངན
151b3 གཙང་སྨེ་རྣམས།། སྤང་སྡུད་བླང་དོར་མེད་པར་ནི།། མ་ཞེན་དམ་པར་ལྟར་མེད་ན།། སྣང་བ་རང་སར་གྲོལ་བའི་ཕྱིར།། བླང་དོར་མེད་པར་ལ་བཟླའོ།། ད་ཡང་འདུས་པའི་སྙིང་པོ་ཉོན།། ཡང་དག་ཆོས་སྐུ་གཅིག
151b4 གཅིག་ལ།། གང་ཡང་མེད་ཕྱིར་སྤང་བླང་མེད།། དེ་ཕྱིར་ངེས་དོན་སྙིང་པོ་ལ།། བསྒོམ་དུ་མེད་ཕྱིར་འབྲལ་བ་མེད།། ངེས་དོན་སངས་རྒྱས་དགོངས་པ་ལ།། ཉི་ཤར་མུན་གྲིབ་མེད་པ་ལྟར།། ངེས་དོན་རྟོགས་པས་སྐྱོན
151b5 ཡོན་མེད།། དེ་ཕྱིར་བླང་དོར་མེད་པ་ཡིན།། དེ་ཡང་རྡོ་རྗེ་སེམས་དཔའ་ཉོན།། ཆོས་སྐུར་ཡེ་ཤེས་ངོས་ཟིན་ན།། གང་ཡང་རང་བྱུང་ལྷུན་གྲུབ་ཆོས།། དེ་ལས་གཞན་པའི་ཆོས་མེད་ཕྱིར།། བླང་དོར་མེད་པར་ལ་ཟླའོ།།
151b6 རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྐྱོན་ཡོན་གཞི་ལ་མེད་པར་བསྟན་པའི་ལེའུ་སྟེ་བརྒྱ་དང་གོ་གསུམ་པའོ།། །། དེ་ནས་འདུས་པའི་ཚོགས
iiif viewer powered by OpenSeadragon
