| e-texts navigator |
| Wylie |
150b1 རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ལ་བཟླ་བ་ཡི་ངེས་ཚིག་ནི།། དུས་གསུམ་སངས་རྒྱས་ཐམས་ཅད་ལ།། ཡང་པའི་ཡེ་ཤེས་ནི།། སེམས་ཅན
150b2 ཀུན་ལ་གནས་པ་ཡི།། བདེ་གཤེགས་སྙིང་པོ་ཆོས་སྐུར་བདེ།། ཀུན་ཁྱབ་རང་བྱུང་ངོ་བོར་མཐུན།། དེ་ཕྱིར་སེམས་ཅན་སངས་རྒྱས་གཅིག། རིག་དང་མ་རིག་གཉིས་ཀ་ནི།། རང་བྱུང་ངོ་བོ་ཉིད་ཀྱི་སྐུ།། དེ་ཕྱིར་གཉིས
150b3 སུ་མེད་པར་ནི།། ངེས་པའི་དོན་དུ་ལ་བཟླའོ།། དེ་ཡང་རྡོ་རྗེ་སེམས་དཔའ་ཉོན།། རང་རིག་ངོ་བོ་ཉིད་ཀྱི་གཞི།། སངས་རྒྱས་སེམས་ཅན་གཉིས་ལ་གནས།། དེ་ཕྱིར་ངོ་བོ་གཅིག་པར་ནི།། རྒྱལ་བ་ཀུན་གྱི་རབ་ཏུ
150b4 བསྔགས།། ཆོས་ཀྱི་སྙིང་པོ་རང་བྱུང་སྐུ།། འཁོར་འདས་རྩ་བ་དེ་ཡིན་ཕྱིར།། དེ་ལས་སངས་རྒྱས་སེམས་ཅན་བྱུང་།། དེ་ཕྱིར་རང་བྱུང་ཀུན་གྱི་གཞི།། དཔེར་ན་མར་མེ་སྟོང་བཏང་ཡང་།། འོད་ཀྱི་ངོ་བོ་གཅིག་ལས
150b5 མེད།། དེ་བཞིན་སངས་རྒྱས་རྣམས་མང་ཡང་།། ཐུགས་ནི་ཐིག་ལེ་གཅིག་ཏུ་གཅིག། སེམས་ཅན་ལས་ཀྱི་རྣམ་སྨིན་གྱི།། མ་རིག་རྐྱེན་གྱིས་བསྐྱེད་པའི་ཕྱིར།། སྐྱེ་འགྲོ་གཟུགས་སྩོགས་མང་གྱུར་ཀྱང་།། དོན་མ་ཤེས
150b6 པས་སེམས་ཅན་ཏེ།། བསྐལ་པར་འཁྱམས་ཀྱང་སྟོང་བྲལ་མེད།། དེ་ཕྱིར་སངས་རྒྱས་སེམས་ཅན་གཅིག། གཅིག་ལས་འཁོར་འདས་སྣ་ཚོགས་བསྐྱེད།། དེ་ཕྱིར་རང་བྱུང་ངོ་བོ་སྟེ།། རྟོགས་པར་བྱ་བ་ཤིན་ཏུ་གཅེས།།
iiif viewer powered by OpenSeadragon
