| e-texts navigator |
| Wylie |
14b1 འཆི་སྟེ།། བྱམས་བྲལ་དགྲ་འཕྲད་མེད་ཚོལ་རྙེད།། འཁོར་བའི་བག་ཆགས་རྩལ་དུ་བྱུང་།། གྲངས་ལ་མང་དུ་ཡོད་མོད་ཀྱང་།། བག་ཉོན་རྟོག་པ་སྐྱོན་དང་གཡོག། སྒྲིབ་ལྟུང་གོལ་ས་འཁྲུལ་པ་སྟེ།། ཡུལ་ཡོད་བར་དུ
14b2 གྲངས་ཟུག་མེད།། ད་ཡང་རྡོ་རྗེ་སེམས་དཔའ་ཉོན།། དེ་དག་འཁྲུལ་པ་ཡུལ་ལས་བྱུང་།། ཡུལ་སེམས་པར་དོར་གོལ་ས་ཆོད།། བག་ཆགས་གཞི་ལ་གོས་པ་མེད།། རྫོགས་པ་ཆེན་པོ་ངེས་དོན་ཐམས་ཅད་ལ
14b3 འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཕྲལ་བྱུང་གི་བག་ཆགས་ཀྱི་ཀུན་གཞི་བསྟན་པའི་ལེའུ་སྟེ་ལྔ་པའོ།། །། དེ་ནས་ཀུན་རིག་སྟོན་པ་དེས།། སྐལ་ལྡན་དད་ལྡན་འཁོར་རྣམས་ལ།། ལུས
14b4 ཀྱི་ཀུན་གཞི་བཀའ་སྩལ་པ།། དབྱེ་བ་ངོ་བོ་མཚན་ཉིད་དང་།། ལས་དང་དཔེ་ལྡན་རྟོགས་པར་གསུངས།། དེ་ཡང་འདུས་པའི་སྙིང་པོ་ཉོན།། རང་བཞིན་བག་ཆགས་ཡིད་ཀྱི་ལུས།། ཐོག་མ་ཐ་མ་ད་ལྟའི་ཁྱད།། ངེས
14b5 པར་གཏན་ལ་དབབ་པའི་ཕྱིར།། ཐ་དད་ལུས་ཀྱི་གཞི་ལས་བྱུང་།། ངོ་བོ་རྩལ་ཤུགས་ཐ་དད་པའི།། སྣང་དང་ཐིག་ལེའི་རྩལ་མེད་ཀྱང་།། གོང་གི་ལུས་ཉིད་དེ་ལ་བརྟེན།། ལུས་དང་བག་ཆགས་དབང་གིས་སྣང་།། དེ
14b6 ཡིས་མཚན་ཉིད་ཆོས་སྐུ་དང་།། བག་ལུས་རང་བཞིན་ལུས་ལ་བརྟེན།། གཅིག་དང་ཐ་དད་གཉིས་ཀ་མིན།། འཁོར་འདས་བརྟེན་ཡང་དེ་ལྟར་གནས།། དེ་ཡང་འདུས་པའི་སྙིང་པོ་ཉོན།། ཉན་ཐོས་སེམས་དཔའ
iiif viewer powered by OpenSeadragon
