| e-texts navigator |
| Wylie |
147b1 བར་བྱ།། རྐྱེན་དབང་མ་བཏང་ཏིང་འཛིན་ནི།། ལོ་ལྔ་བར་ནི་མ་ཆད་ན།། ཚེ་ལ་དབང་ཐོབ་རིག་འཛིན་ཐོབ།། ཕྱི་མ་སངས་རྒྱས་སྨོས་ཅི་དགོས།། ལུང་ལྡན་ངེས་པའི་རྣལ་འབྱོར་པས། ལོ་གསུམ་པར་ནི་མཆོད
147b2 པར།། སྔ་ཕྱི་མ་བཏང་དོན་གསལ་ན།། མངོན་ཤེས་དྲུག་འབྱུང་བདེན་པ་མཐོང་།། ཆོས་སྐུ་དྲན་པས་ངེས་པའི་དོན།། ཟླ་གསུམ་པར་ནི་མ་ཆད་ན།། ཆོས་འཕྲུལ་བཅོ་བརྒྱད་ཟིལ་གནོན་པས།། དངོས་གྲུབ་ཐོབ་ནས
147b3 གེགས་མི་ཚུགས།། ཆོས་སྐུ་དྲན་པའི་ལྷག་མཐོང་ནི།། ཟླ་གཅིག་པར་ནི་མ་ཆད་དུ།། གོམས་པ་ཀློང་དུ་འགྱུར་བར་ངེས།། དེ་ཕྱིར་ལྷ་ཡི་རིག་འཛིན་ཐོབ།། གདམས་ངག་ཡོད་པའི་རྣལ་འབྱོར་པས།། ཞག་བདུན་པར
147b4 ནི་མཆོད་པར།། ཚིག་ཙམ་མ་ཡིན་ཉམས་སུ་མྱོང་།། འཁོར་བར་མི་ལྟུང་དངོས་གྲུབ་ཐོབ།། དེ་ཡང་རྡོ་རྗེ་སེམས་དཔའ་ཉོན།། ཡེ་ཤེས་མཁའ་དང་མཉམ་པ་ལས།། སྒྲིབ་པ་མ་ལུས་ཅིག་ཆར་བྱུང་།། ཚོགས་གཉིས
147b5 ཀུན་རྫོགས་རྫོགས་སངས་རྒྱས།། གནོད་བྱེད་མུ་སྟེགས་བྱད་རྣམས་བཟློག། ཉམས་ཆགས་ཐམས་ཅད་འདི་ཡིས་སྐོང་།། ཟས་ནོར་དངོས་གྲུབ་འདི་ཡིས་ཐོབ།། བསམ་པ་ཐམས་ཅད་འདི་ཡིས་འགྲུབ།། འདི་ཡིས
147b6 བསོད་ནམས་བརྗོད་མི་ནུས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡེ་ཤེས་ཀྱི་ཚོགས་ཀྱི་འཁོར་ལོ་བསྟན་པའི་ལེའུ་སྟེ་བརྒྱ་དང་གྱ་བརྒྱད་པའོ།།
iiif viewer powered by OpenSeadragon
