| e-texts navigator |
| Wylie |
146b1 དཔོན་མཆེད་དང་གང་གསུངས་པ།། ཚེ་འདས་ཤི་བ་མི་བཟོད་ཚེ།། མྱ་ངན་སྨྲེ་སྔགས་མ་འདོན་པར།། སྙིང་རྗེ་ཟུང་ལ་དགོངས་པ་ཡིས།། ཁ་དོག་དབྱིབས་ལ་རྟེན་བཅས་པར།། ངེས་དོན་སྙིང་པོ་ཆོས་སྐུ་བསྟན། ཡེ
146b2 ཤེས་ཆོས་སྐུ་རྩེ་གཅིག་པའི།། ཡིད་གཉིས་གཅིག་ཏུ་གྱུར་བསམ་ལ།། དེ་ལྟའི་གདུང་གི་ངང་བཞག་ན།། ཚེ་འདས་ལུས་ཀྱི་དོན་རྟོགས་ནས།། ཆོས་སྐུའི་ངང་ལ་གནས་པར་ངེས།། དེ་ཚེ་རིག་པ་ཆོས་སྐུར་འགྱུར།།
146b3 དེངེས་དོན་གཅིག་ཤེས་གནས་ཀྱི་མཆོག། དེ་ཡང་འདུས་པའི་སྙིང་པོ་ཉོན།། ཐོས་བསམ་མ་བྱས་སྐྱེ་བོ་ཡང་།། རྣལ་འབྱོར་པ་ཡི་བྱིན་རླབས་ཀྱིས།། སངས་རྒྱས་ས་ལ་ངེས་འགྲོ་ན།། སྔོན་སྦྱངས་འཕྲོ་ཅན་སྨོས་ཅི
146b4 དགོས།། དེ་བཞིན་རྣལ་འབྱོར་ངེས་ལུང་གིས།། ངེས་པར་ཐུགས་རྗེས་བཟུང་གྱུར་ན།། ལྟ་བའི་ངང་དུ་ཚོགས་མཆོད་ནས།། ཚེ་འདས་འབྲས་བུ་མངོན་སངས་རྒྱས།། དེ་ཕྱིར་ཚེགས་མེད་དོན་པོ་ཆེ།། རྒྱལ་བའི་བཀའ
146b5 ལས་དེ་སྐད་གསུངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། གཞན་གྱི་དོན་བྱེད་ཡེ་ཤེས་རང་གནས་བསྟན་པའི་ལེའུ་སྟེ་བརྒྱ་དང་གྱ་བདུན་པའོ།། །
146b6 དེ་ནས་འདུས་པའི་འཁོར་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། ཡེ་ཤེས་ཀློང་ཚོགས་བཀའ་སྩལ་པ།། གཞུང་དང་མཐུན་པའི་གནས་མཆོག་ཏུ།། དམ་ཚིག་སེལ་མེད་འཁོར་ཚོགས་ལ།། དབང་དང
iiif viewer powered by OpenSeadragon
