| e-texts navigator |
| Wylie |
145a1 རྟོགས་པའི་གནས་ཀྱི་མཆོག། དེ་ཕྱིར་སངས་རྒྱས་དགོངས་པའི་དོན།། འབྲས་བུ་དུས་དེ་ཉིད་དུ་འགྲུབ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི
145a2 རྒྱུད་ལས། ཡེ་ཤེས་རང་གནས་ཀྱི་ཆེ་བ་བསྟན་པའི་ལེའུ་སྟེ་བརྒྱ་དང་གྱ་ལྔ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། བདག་དོན་རང་གནས་མཆོག་ཏུ་གསུངས།།
145a3 བདག་ཉིད་འཆི་བའི་དུས་བྱུང་ནས།། འཆི་ལྟས་ཚང་ནས་ཉམ་ཟག་ཚེ།། མི་དགའ་མི་བསམ་མཉེན་མི་ཆགས།། དགྲ་ལ་མི་བསམ་དོན་མི་བསམ།། ཁ་ཆེམས་མི་ཕོར་དོན་ལ་བཞག། གལ་ཏེ་བོར་ན་ཆོས་དང
145a4 བསྟུན།། སྔ་ཕྱི་མི་བསམ་ཆོས་དོན་དྲན།། བདག་དོན་རང་གནས་མཆོག་ཏུ་གསུངས།། ད་ཡང་འདུས་པའི་སྙིང་པོ་ཉོན།། འདི་ནུབ་ཕྱི་མ་ཡ་ངའི་ཚེ།། ལུས་མཉེན་རྩ་དྲོད་མེད་པ་ལ།། བཀྲག་མདངས་གསལ་ལ་དྲི་མ
145a5 མེད།། ཡ་ཡོ་མེད་པར་ཟུང་ཐུབ་འབྱུང་།། དེའི་ཚེ་འཆི་ལྟས་བཟང་པོ་ནི།། སྨད་ནས་དྲོད་ཡལ་སྙིང་ཁར་འདུས།། སྤྱི་བོར་བུན་གྱིས་མཐོངས་སུ་ཡལ།། བར་དོ་ཆོས་སྐུ་དྲན་པའི་རྟགས།། དེ་ཡང་འདུས་པའི་སྙིང་པོ
145a6 ཉོན།། འཆི་ཁར་བླ་མའི་དོན་གསལ་ན།། རྟོག་པ་རང་གི་དུས་དེར་ནི།། སྐད་ཅིག་དོན་དྲན་འཁྲུལ་མིན་གསལ།། དེ་དྲན་མི་འགྱུར་ལྷག་མེད་བསྟན།། དེ་ཚེ་ཡིད་ཆེས་ཡང་མེད།། ངེས་དོན་བསྟན་པ་དེ་མ་ཐག། ཡེ
iiif viewer powered by OpenSeadragon
