| e-texts navigator |
| Wylie |
144b1 དང་།། སྐྱོན་དང་ཡོན་ཏན་བརྒྱད་དུ་གསུངས།། དེ་ཡང་རྡོ་རྗེ་སེམས་དཔའ་ཉོན།། ངོ་བོ་འཁོར་འདས་རྣམ་གཉིས་ལ།། བྱང་ཆུབ་སྙིང་པོས་ཁྱབ་པའི་ཕྱིར།། ཡེ་ཤེས་རང་བྱུང་གནས་ཡིན་ཏེ། ལུང་ལྡན་ཡེ་ཤེས་ངེས
144b2 པའི་གནས།། རང་གནས་དབྱེ་བ་བདག་གཞན་གཉིས།། བར་དོ་རྣམ་གཉིས་གང་རུང་དུ།། ལུང་ལྡན་ངེས་པའི་གདམས་ངག་གིས།། ཐུན་མོང་མ་ཡིན་གནས་མཆོག་བྱ།། ངེས་ཚིག་སངས་རྒྱས་བདེན་ལྡན་གནས།།
144b3 སྐྱེ་ཤི་མེད་པ་རང་བྱུང་སྐུ།། འཕོ་འགྱུར་མེད་ཕྱིར་ཡེ་ཤེས་གནས།། དེ་ལྡན་འདུ་འབྲལ་མེད་པའི་ཆོས།། ཏིང་འཛིན་རིམ་གྱིས་མ་བསྐྱེད་པ།། རང་བྱུང་ཆོས་སྐུ་དྲན་ཙམ་ན།། དེ་ཡི་ངང་ལ་གནས་པ་ཡིན།། དགོངས་པ
144b4 དེ་དག་རྒྱལ་བས་གསུངས།། ངང་ངམ་རང་རིག་རྒྱུན་དུ་ནི།། ཆེད་དུ་བྱར་མེད་ལམ་གྱི་མཆོག། དེ་ཡང་འབྲལ་མེད་བགྲོད་མི་དགོས།། དེ་ཡི་འབྲས་བུ་སངས་རྒྱས་ཏེ།། དེ་ལ་ཡིད་ཆེས་གདེང་ཟིན་པས།། སྒྲིབ་སྦྱོང་མི
144b5 དགོས་རང་བྱུང་སྐུ།། ཕྱི་མ་མ་ཡིན་ད་ལྟ་ཡིན།། ཡོན་ཏན་ཐུན་མོང་མཆོག་གི་ནི།། མ་བཙལ་དངོས་གྲུབ་ཆེན་པོར་ཐོབ།། དེ་ཕྱིར་ཕྱོགས་འདིར་ཡོན་ཏན་འབྱུང་།། དུས་གཅིག་རྟག་པས་རེ་དོགས་བྲལ།། སྐྱོན་ནི
144b6 གནས་མ་འབྱོངས་པ་ཡིས།། ཅི་སྤྱོད་གོལ་བས་གདེང་དང་བྲལ།། དེ་ཕྱིར་སྐྱོན་ནི་དུག་ལྔ་རྒྱས།། རྣམ་སྨིན་བདག་གཞན་གཉིས་ཀ་བརླག། དེ་ཡང་འདུས་པའི་སྙིང་པོ་ཉོན།། དེ་དག་གནས་ཀྱང་དབྱེ་བ་ནི།། ཆོས་སྐུ
iiif viewer powered by OpenSeadragon
