| e-texts navigator |
| Wylie |
144a1 ལེ་ཆུབ།། སེམས་དཔའ་སྐྱོན་གསལ་འགྱུར་བ་མེད།། ཆེ་བ་རང་བྱུང་ཡེ་ཤེས་ཆེ།། དེ་ཕྱིར་བྱང་སེམས་ཆེ་བར་གསུངས།། དེ་ཡང་འདུས་པའི་སྙིང་པོ་ཉོན།། མ་བཅོས་པ་ཡིས་གདམས་ངག་གིས།། བལྟ།
144a2 བ་ཡངས་པའི་ནམ་མཁའ་ལ།། འཛིན་པ་མེད་པའི་ཡེ་ཤེས་གད་ལ།། གང་ཡང་མ་སྤངས་ལྷུན་གྱིས་གྲུབ།། མི་གཡོ་མི་རྟོག་དེ་ཉིད་ལྟར།། དེ་མཐོང་མུན་པ་རྣམ་པར་སངས།། སངས་རྒྱས་ཀུན་གྱི་མཆོག་ཏུ་བཤད།།
144a3 རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། བྱང་ཆུབ་སེམས་ཀྱི་ཆེ་བ་བསྟན་པའི་ལེའུ་སྟེ་བརྒྱ་དང་གྱ་བཞི་པའོ།། སྡོམ་དུ་བསྡུས་ཏེ་བསྟན་པ་སོ་བདུན་པའོ།། །
144a4 དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་བཀའ་སྩལ་པ།། ཀུན་རིག་ཆོས་ཀྱི་རྒྱལ་པོ་ལ།། ངེས་པའི་དགོས་དོན་འདི་སྐད་གསོལ།། རྣལ་འབྱོར་དོན་ལ་ཚོགས་སོགས་ཕྱིར།། ཡེ་ཤེས་རང་གནས
144a5 ཆེ་བ་དང་།། བདག་དོན་ཡེ་ཤེས་རང་གནས་དང་།། ཡེ་ཤེས་ཀློང་གི་ཚོགས་འཁོར་དང་།། དེ་དོན་འཛིན་སྤྱོད་ཕྲིན་ལས་དང་།། ཆོས་སྐུའི་གཟུགས་བརྙན་གདབ་པ་དང་།། ཕྱི་ཡི་མཆོད་གཏོར་གཏོང་བ་རྣམས།། ཀུན
144a6 རིག་སྟོན་པས་གསུང་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། རྣལ་འབྱོར་རང་གནས་ཆེ་བའི་དོན།། ངོ་བོ་དབྱེ་བ་ངེས་ཚིག་དང་།། ཏིང་འཛིན་ལམ་དང་འབྲས་བུ
iiif viewer powered by OpenSeadragon
