| e-texts navigator |
| Wylie |
143a1 སེམས་དཔའ་ཉོན།། གདམས་ངག་ཅན་དང་འཕྲད་གྱུར་ན།། ཐ་མས་མི་རྟོག་གདམས་ངག་མིན།། དབང་པོ་རབ་ཀྱིས་བཙལ་དུ་མེད།། སྒྱུ་མའི་ཡུལ་ལ་སྤྱད་པར་བྱ།། དང་པོ་ཀུན་བཟང་ཐུགས་རྗེས
143a2 ཀྱང་།། དེ་ཉིད་ཚིག་ཏུ་ཕྱུང་བའི་ཕྱིར།། ཚིག་གིས་དོན་ནི་མཚོན་པར་ནུས།། ཚིག་ཉིད་དོན་ཡིན་ཟེར་བ་འཁྲུལ།། དེ་ཡང་འདུས་པའི་སྙིང་པོ་ཉོན།། གང་དག་བཀྲི་དོན་བདེན་གཉིས་བྲལ།། ཡང་དག་སྙིང་པོ་ཆོས
143a3 ཉིད་ལ།། བསྒོམ་དུ་ཡོད་དང་མེད་པ་ཡི།། ཚིག་ཏུ་འཛིན་མེད་ཡེ་གནས་བདེན།། སྣང་བའི་ཡུལ་ལ་རྟོག་མེད་ཕྱིར།། སེམས་ལ་གཏད་ཅིང་གཟུང་དུ་མེད།། ཇི་སྲིད་བར་དུ་གཏད་ཡོད་ན།། དེ་སྲིད་བར་དུ་འཁྲུལ་པ
143a4 ཡིན།། དེ་ཕྱིར་གཏན་ནས་གཟུང་དུ་མེད།། དེ་ལ་སྐྱོན་གྱིས་གོས་པ་མེད།། དེ་ཡང་འདུས་པའི་སྙིང་པོ་ཉོན།། རང་རིག་ཆོས་སྐུའི་དགོངས་པ་འདི།། སེམས་ལས་འདས་པའི་སངས་རྒྱས་ཉིད།། གང་ཡང་མ་བསམས
143a5 རིག་པ་གསལ།། དེ་དོན་སངས་རྒྱས་དགོངས་པ་ཡིན།། སེམས་མིན་ཆོས་སྐུའི་དོན་རྟོགས་ཕྱིར།། ཡུལ་ཉིད་སེམས་སུ་མི་བསྒོམ་ཕྱིར།། སྒོམ་པ་པོ་ཡང་མེད་པར་འགྱུར།། གང་གིས་གང་ལ་བསམ་ཞིང་བསྒོམ།། དེ
143a6 ཕྱིར་རང་སེམས་རྟོགས་པས་ཆོག། ད་ཡང་འདུས་པའི་སྙིང་པོ་ཉོན།། རང་གསལ་སྙིང་པོ་ཞེན་མེད་པས།། རྒྱུན་དུ་ཡོད་པའི་ཆོས་ཉིད་ལ།། མ་ཡེངས་དོན་ལ་གང་གནས་པ།། དེ་ནི་རྣལ་འབྱོར་ངེས་པའི་མཆོག།
iiif viewer powered by OpenSeadragon
