| e-texts navigator |
| Wylie |
141a1 འདུས་པའི་སྙིང་པོ་ཉོན།། རྒྱུན་དུ་འབྲལ་མེད་ཏིང་འཛིན་གྱིས།། ཡེ་ཤེས་ཆེན་པོར་ལ་ཟློས་པས།། ས་བཅུ་རིམ་གྱིས་ངེས་མི་བགྲོད།། དེ་ཕྱིར་ངེས་དོན་རབ་ཏུ་གཅེས།། ད་ཡང་འདུས་པའི་སྙིང་པོ
141a2 ཉོན།། ངེས་པའི་དབང་རྣམས་གཅིག་ཏུ་རྟོགས།། དེ་དོན་མ་བཅོས་ཆོས་ཉིད་ཀྱིས།། བཅོས་པའི་མཚན་མ་ཟིལ་གྱིས་གནོན།། དམིགས་པ་མེད་པའི་ནམ་མཁའ་ཡིས།། དམིགས་པའི་འབྱུང་བ་ཟིལ་གྱིས་གནོན།། སྐྱེ
141a3 བ་མེད་པའི་ཡེ་ཤེས་ཀྱིས།། སྐྱེ་བའི་ཕུང་པོ་ཟིལ་གྱིས་གནོན།། དེ་ཡང་འདུས་པའི་སྙིང་པོ་ཉོན།། རིག་པ་ཆོས་ཀྱི་སྐུ་ཉིད་དུ།། དུས་གསུམ་སངས་རྒྱས་ཐམས་ཅད་ཀྱི།། འབྱུང་གནས་ཐམས་ཅད་ང་ཡི་ཐུགས།། འདི
141a4 ལས་མ་གཏོགས་སངས་རྒྱས་མེད།། རིག་པའི་ངེས་དོན་ཐམས་ཅད་འདི།། སངས་རྒྱས་ཀུན་གྱི་མེས་པོ་ཡིན།། འདི་ལས་མ་བྱུང་སངས་རྒྱས་མེད།། དེའི་ཕྱིར་དབང་གསུམ་རབ་ཏུ་གཅེས།། རྫོགས་པ་ཆེན་པོ་ངེས
141a5 དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རིག་པ་དབང་གི་ཆེ་བ་བསྟན་པའི་ལེའུ་སྟེ་བརྒྱ་དང་བརྒྱད་ཅུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ
141a6 པོས་བཀའ་སྩལ་པ།། ཆོས་སྐུའི་འཁོར་གྱི་ཆེ་བ་ཡི།། བསྒོམ་པའི་སྐྱོན་ནི་མ་དག་ན།། རང་རིག་ཡེ་ཤེས་ངོས་ཟིན་ཕྱིར།། ཆོས་སྐུ་རྟོག་པ་མེད་པར་བཤད།། འབྱུང་བའི་འདོད་ཡོན་ལྔ་སྤྱོད་ཚེ།། ལོངས་སྤྱོད་རྫོགས
iiif viewer powered by OpenSeadragon
