| e-texts navigator |
| Wylie |
140a1 གསུང་གི་སྒོ་ནས་ངེས་དོན་དུ།། བཀྲི་དྲང་ཟབས་ཀྱི་ཆོས་རྣམས་སྟོན།། དེ་ཡང་འདུས་པའི་སྙིང་པོ་ཉོན།། འཁོར་འདས་གཞི་ལ་མེད་པའི་ཕྱིར།། ངེས་དོན་ཡེ་ཤེས་ཆོས་སྐུ་འདི།། ཐམས་ཅད་སངས
140a2 རྒྱས་དགོངས་པའི་ཆོས།། སེམས་ཅན་མིང་མེད་བདེ་གཤེགས་ལ།། བྱིན་རླབས་ཆོས་ཀུན་ཐུགས་ཀྱིས་སྟོན།། དེ་ཡང་རྡོ་རྗེ་སེམས་དཔའ་ཉོན།། སྐུ་གསུམ་གསུངས་པ་དེ་དག་ཀྱང་།། གདུལ་བྱའི་འཁོར་ལ་ཕྱེ་བ
140a3 ལས།། དོན་ལ་དབྱེར་མེད་ངོ་བོ་གཅིག། དེ་ཕྱིར་ཐིག་ལེ་ཉག་གཅིག་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཉམས་ཀྱི་བདུད་ཟིལ་གྱིས་ནོན་པའི
140a4 འབྲས་བུ་བསྟན་པའི་ལེའུ་སྟེ་བརྒྱ་དང་དོན་དགུ་པའོ།། སྡོམ་དུ་བསྡུས་ཏེ་བསྟན་པ་སོ་དྲུག་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་སེམས་ཀྱི་རྒྱལ
140a5 པོ་ལ།། བདེན་པའི་ཡིད་ཀྱིས་འདི་སྐད་གསོལ།། ཆེ་བ་སྣ་ལྔའི་དབྱེ་བ་ཇི་ལྟར་ཡིན།། ཆོས་སྐུའི་འཁོར་ནི་ཇི་ལྟར་དག། ལོངས་སྐུའི་འཁོར་གྱི་རོལ་པ་གང་།། སྦྲུལ་སྐུའི་འཁོར་གྱི་བརྟག་ཐབས་ཅི།། བྱང་ཆུབ་ཆེ་བ་ཇི
140a6 ལྟར་འབྱུང་།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། སངས་རྒྱས་རྣམས་ཀྱི་ལྟ་བ་ནི།། ནམ་མཁའ་ཉི་མ་རྒྱ་མཚོ་བཞིན།། མ་སྤྲོས་མ
iiif viewer powered by OpenSeadragon
