| e-texts navigator |
| Wylie |
13b1 ནམ་མཁའ་ཆུ་དང་མེ་ལོང་སོགས།། གཞི་ལ་རྒྱུ་རྐྱེན་མ་རིག་པ།། མེད་པར་བྱུང་བ་ཡ་མཚན་ཆེ།། དེ་ཡང་འདུས་པའི་སྙིང་པོ་ཉོན།། དེ་དག་དབྱེ་བ་བློ་དམན་ལ།། ཡིད་ཆེས་བྱ་ཕྱིར་བསྟན་པ་ཡིན།། མ་རིག་པ་ལ
13b2 སེམས་སུ་བཏགས།། འཁོར་བ་བསྐྱེད་ཕྱིར་ཀུན་གཞི་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། གཞི་གནས་སེམས་ཀྱི་ཀུན་གཞི་བསྟན་པའི་ལེའུ་བཞི
13b3 པའོ།། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། བག་ཆགས་ཀུན་གཞི་བཀའ་སྩལ་པ།། དང་པོ་ད་ལྟ་ཐ་མ་དང་།། ངོ་བོ་མཚན་ཉིད་ངེས་ཚིག་དང་།། དཔེ་བརྟགས་གཉེན་པོ་དབྱེ་བ
13b4 རྩལ།། རྣམ་གྲངས་དེ་དག་བསྡུས་ཏེ་གསུངས།། དེ་ཡང་རྡོ་རྗེ་སེམས་དཔའ་ཉོན།། ཐོག་མར་མཐའ་དྲུག་རྟོག་ལས་བྱུང་།། གང་ལ་མི་རྟོག་དོན་མ་ཟིན།། ཡེངས་པའི་ཚུལ་ལས་རྟོག་པ་བྱུང་།། རང་སྣང་སྒྲིབ་པ་བག
13b5 ཆགས་བརྟས།། བག་ཆགས་སྔ་ཕྱིའི་རྒྱུ་ལ་བརྟེན།། འགག་པ་མ་རིག་སྡུག་བསྔལ་འབྱུང་།། ཆོས་སྐུ་མི་འགྱུར་འཁོར་བར་བརྟེན།། དེ་ཕྱིར་ལུས་སེམས་བག་ཆགས་ཡོད།། དེ་ཡང་འདུས་པའི་སྙིང་པོ་ཉོན།། གང་འགྲོ།
13b6 དུས་ལ་ངེས་མེད་རྐྱེན།། ཡེ་ཤེས་འཕྲད་ན་བག་ཆགས་བརླག། དེ་མེད་དག་པས་ཐབས་མེད་དོ།། ཉི་མེད་མུན་པར་མི་འགྲོ་འདྲ།། ངོ་བོ་བརྫུན་ལ་བདེན་འཛིན་པ།། རྟོག་པ་ཞེན་རྒྱུད་བརྟས་པ་ན།། ད་ལྟ་བག་ཆགས
iiif viewer powered by OpenSeadragon
