| e-texts navigator |
| Wylie |
13a1 འདུས་པའི་སྙིང་པོ་ཉོན།། ཐ་མར་གར་འགྲོ་ངེས་པ་ནི།། གཉེན་པོ་ལུང་ལྡན་རང་ཤར་ནས།། རིམ་གྱིས་གཅིག་ཆར་ངེས་པར་ངེས།། དོན་མ་ཕྲད་ན་ངེས་པ་མེད།། ངོ་བོ་གཞི་ཉིད་མ་ཤེས་ཕྱིར།། བག
13a2 ཆགས་གཉིད་ལོག་ཀུན་གཞི་སྟེ།། མ་རིག་རྟོག་པའི་ངོ་བོར་གནས།། དེ་ཡང་འཁོར་གྱི་སྙིང་པོ་ཉོན།། ངེས་ཚིག་ཡུལ་གྱི་སྣང་བ་ལ།། སྣ་ཚོགས་ཡུལ་ལ་སེམས་པའི་ཕྱིར།། མིན་པའི་ཆོས་ལ་བདེན་པར་འཛིན།། ཐག
13a3 པ་སྦྲུལ་དུ་འཁྲུལ་དང་འདྲ།། སེམས་ཅན་ཤས་ནི་ཆེ་ཆུང་ཡོད།། ཉོན་མོངས་སེམས་དཔའ་མཉེན་པོས་ནི།། བག་ཉལ་ཕྲ་དང་ཤིན་ཏུ་ཕྲ།། མངོན་རྒྱུ་མེད་པས་ཉོན་མོངས་ཆུང་།། རྒྱུ་མེད་མཚན་མེད་འཇིག་པའི
13a4 ཕྱིར།། ཐ་མ་དངོས་པོ་མེད་པར་དེངས།། ད་ལྟ་ཀུན་གཞི་ཡོད་ཀྱི་བར།། རྒྱུན་གྱིས་དུས་གསུམ་འགགས་ཏེ་མེད།། དེ་ཡང་འདུས་པའི་སྙིང་པོ་ཉོན།། ཐུན་མོང་སྙིང་པོ་དབྱིངས་སོགས་ཀྱི།། ཉོན་མོངས་བག་ཆགས
13a5 བཞིན་ཏེ།། ཤེས་རབ་མ་རིག་ལོག་ལྟ་འཇོམས།། ཐུན་མོང་མ་ཡིན་ཅིག་ཆར་དེངས།། ལས་ཀྱི་རྒྱུད་མཐུན་གང་རུང་སྟེ།། རྣམ་སྨིན་རིམ་གྱིས་མ་ཡིན་ཏེ།། བར་མ་ཆོད་པར་འབྲས་བུ་སྨིན།། ལུང་དུ་མ་བསྟན་ངེས
13a6 པ་མེད།། ད་ཡང་རྡོ་རྗེ་སྙིང་པོ་ཉོན།། བག་ཆགས་རྩལ་ནི་རིགས་དྲུག་སྟེ།། བདེ་སྡུག་བྱེ་བྲག་སོ་སོར་སྣང་།། ཆ་ཕྲ་རྩལ་ནི་ཉན་སེམས་ལ།། མེ་ལོང་ལྟ་བུར་རང་སྣང་ནས།། མཚོན་པ་དཔེ་ཡིས་རིས་དང་ལྡན།།
iiif viewer powered by OpenSeadragon
