| e-texts navigator |
| Wylie |
139b1 ནི་ཟིལ་ནོན་ན།། ཡང་དག་བཀའ་ལ་ཡིད་ཆེས་པས།། ལུང་སྟོན་རང་བྱུང་རོལ་པར་ཤེས།། བླང་དོར་མེད་པའི་འབྲས་བུ་ཡིན།། ཉམས་ལ་ཞེན་པ་ཟིལ་ནོན་ན།། ཡོན་ཏན་ལྟར་མེད་འབྲས་བུ་སྟེ།། བདེན་པ་ངེས་པར
139b2 མཐོང་བའི་ཕྱིར།། ས་ནོན་སྒྲིབ་པ་ངེས་པར་དག། ཚུལ་འཆོས་བདུད་ནི་ཟིལ་ནོན་པས།། གཡོ་སྒྱུ་མེད་པའི་ཉམས་ལྡན་ཕྱིར།། ཞེ་སྡང་བྲལ་བས་རེ་དོགས་མེད།། ངེས་པའི་གདེང་ལྡན་འབྲས་བུའི་མཆོག། བོགས
139b3 འདོན་བདུད་ནི་ཟིལ་ནོན་ན།། བདེ་བ་ཞེན་བྲལ་ཆོས་སྐུར་ཤེས།། དབང་ལ་མི་བརྟེན་རྟོགས་པ་ཤར།། དེ་ཕྱིར་སངས་རྒྱས་མངོན་དུ་གྲུབ།། སྐུར་འདེབས་བདུད་ནི་ཟིལ་གནོན་པས།། ཞེ་སྡང་རང་གྲོལ་ཅིར་མི་རྟོག།
139b4 ཐུགས་རྗེ་ལྡན་པས་འགྲོ་དོན་འབྱུང་།། དེ་ཕྱིར་གཡོ་མེད་འབྲས་བུ་ཡིན།། སྒྲོ་འདོགས་བདུད་ནི་ཟིལ་གནོན་པས།། ངེས་དོན་ཐུགས་གསལ་འཆང་བའི་ཕྱིར།། ང་རྒྱལ་མེད་ཕྱིར་དོན་ཉིད་གསལ།། འབྲས་བུ་རང་བྱུང
139b5 ངོ་བོ་ཉིད།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་ཆོས་སྐུ་རྟོགས་པ་ལ།། རྒྱ་མཚོར་ཉི་ཟླའི་གཟུགས་བརྙན་བཞིན།། རང་རང་མོས་པ་སོ་སོ་ལ།། གཞན་དོན་མ་བཙལ་ཤུགས་ལས་འབྱུང་།། དཔེར་ན་ཆང་གི་ར
139b6 རོ་བཞིན།། བྱང་ཆུབ་སེམས་དཔའ་ལས་དག་ལ།། ལོངས་སྤྱོད་རྫོགས་པའི་སྐུར་མཐོང་ནས།། ལྡེམ་དགོངས་ཆོས་རྣམས་སྐུ་ཡིས་སྟོན།། དད་ལྡན་ཉན་ཐོས་རང་རྒྱལ་ལ།། ཅི་ཡང་སྤྲུལ་པའི་སྐུར་མཐོང་ནས།།
iiif viewer powered by OpenSeadragon
