| e-texts navigator |
| Wylie |
137a1 བའི་བདུད་ནི་ཟིལ་གནོན་རྟགས།། སྒོམ་པ་རྨུགས་ཤིང་བདེ་མེད་ཚེ།། དཔེར་ན་ཏི་བྱ་རྩིས་མེད་ལྟར།། རྨུགས་མེད་བདེ་བ་ཆེན་པོར་ཤེས།། བདེ་འདོད་བདུད་ནི་ཟིལ་གནོན་རྟགས།། དེ་ཡང་འདུས
137a2 པའི་སྙིང་པོ་ཉོན།། ལྷ་སྒོམ་འཕེལ་འགྲིབ་མེད་ཤེས་ཕྱིར།། བདུད་ཉིད་རང་བྱུང་ཡེ་ཤེས་སུ།། དོན་རྟོགས་སངས་རྒྱས་རྟགས་སུ་གསུངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང
137a3 མཉམ་པའི་རྒྱུད་ལས། ལྷ་སྒོམ་གྱི་བདུད་ཟིལ་གྱིས་གནོན་པའི་རྟགས་བསྟན་པའི་ལེའུ་སྟེ་བརྒྱ་དང་དོན་ལྔ་པའོ།། །། དེ་ནས་འཁོར་ལ་བཀའ་སྩལ་པ།། སྤྱོད་པ་ཉམས་བདུད་ཟིལ་གནོན་རྟགས།། ངེས་དོན
137a4 བཤད་ཀྱིས་ཡིད་ལ་ཟུང་།། འདུ་འཛི་ལོངས་སྤྱོད་བདུད་བྱུང་ཚེ།། བུང་བ་བཅུད་ལེན་ཞེན་མེད་ལྟར།། གང་ལ་ཆགས་པ་མེད་རྟོགས་ཕྱིར།། ལོངས་སྤྱོད་བདུད་ནི་ཟིལ་གནོན་རྟགས།། རྣལ་འབྱོར་གནས་ལ་ཞེན་པའི
137a5 ཚེ།། མགྲོན་པོ་ཡུལ་སླེབ་འཇིགས་མེད་ལྟར།། མ་བཀོལ་ཏིང་འཛིན་གྲོགས་སུ་ཆེ།། ཞེན་པའི་བདུད་ནི་ཟིལ་གནོན་རྟགས།། རྣལ་འབྱོར་གཡེང་བའི་བདུད་བྱུང་ཚེ།། མེ་ལ་ཤིང་བསྣན་ཇི་བཞིན་དུ།། རྣམ་རྟོག
137a6 ཡེ་ཤེས་སྐུལ་མར་ཤེས།། གཡེངས་བདུད་ཟིལ་གྱིས་གནོན་པའི་རྟགས།། རྣལ་འབྱོར་འཁོར་ངན་བདུད་བྱུང་ཚེ།། ཕག་དང་གླང་པོ་འབྲེལ་མེད་ལྟར།། གཉེན་ལ་ཆགས་པས་འཆིང་བར་རྟོགས། འཁོར་ངན་བདུད
iiif viewer powered by OpenSeadragon
