| e-texts navigator |
| Wylie |
136b1 ཀུན་རིག་རྒྱལ་པོས་བཀའ་སྩལ་པ།། ཆོས་ཀུན་རྩ་བ་བྱང་ཆུབ་སེམས།། དེ་རྟོགས་ཟིལ་གྱིས་གནོན་པའི་རྟགས།། ཀུན་བཟང་སྟོན་པ་ངས་བཤད་ཀྱིས།། ལེགས་པར་ཉོན་ལ་ཡིད་ལ་ཟུང་།། རྣལ་འབྱོར་སྣང་བའི་འོད
136b2 བྱུང་བ།། གཞའ་ཚོན་རང་བཞིན་མེད་ཤེས་ལྟར།། དམ་པར་ཤེས་པའི་བློ་མི་འབྱུང་།། འོད་གསལ་བདུད་ནི་ཟིལ་གནོན་རྟགས།། དོན་རྟོགས་རྣལ་འབྱོར་དམ་པ་ཡིས།། སྒྲ་ཡི་རྣམ་པ་གང་ཐོས་ཚེ།། སྒྲ་བརྙན་རྟག་པ
136b3 མེད་ཤེས་པས།། རྗེས་འབྲང་འཛིན་པའི་སེམས་བྲལ་ཕྱིར།། གྲགས་སྒྲ་བདུད་ནི་ཟིལ་གནོན་རྟགས།། རྣལ་འབྱོར་འཇིགས་གཟུགས་མཐོང་བའི་ཚེ།། ལྦུ་བ་སྙིང་པོ་མེད་ཤེས་ལྟར།། གཞི་ལ་འཇིགས་པའི་ཡུལ་མེད
136b4 རྟོགས།། གཟུགས་བདུད་ཟིལ་གྱིས་གནོན་པའི་རྟགས།། རྣལ་འབྱོར་བསླུ་བའི་རྫུན་བྱུང་ཚེ།། རྨི་ལམ་བཞིན་དུ་རྫུན་དུ་ཤེས།། གང་ལ་བདེན་པར་མི་བལྟ་བས།། བསླུ་བའི་བདུད་ནི་ཟིལ་གནོན་རྟགས།། དེ་ཡང་རྡོ
136b5 རྗེ་སེམས་དཔའ་ཉོན།། རྣལ་འབྱོར་ཡུལ་དྲན་རྒོད་པའི་ཚེ།། དུག་ལ་སྔགས་ཀྱིས་བཏབ་པ་ལྟར།། སྔ་ཕྱི་རྗེས་འབྲང་མེད་ཤེས་པས།། མི་རྟོག་བདུད་ནི་ཟིལ་གནོན་རྟགས།། རྣལ་འབྱོར་ཤེས་པ་འཕྲོ་བའི་ཚེ།། བ་མོ
136b6 ལ་ནི་ཉི་ཤར་ལྟར།། རང་བྱུང་རང་གྲོལ་དྲན་པའི་ཕྱིར།། མི་གཡོ་བདུད་ནི་ཟིལ་གནོན་རྟགས།། རྣལ་འབྱོར་གསལ་བ་བྱིང་གྱུར་ཚེ།། རིན་ཆེན་ག་བུར་བཅུག་པ་ལྟར།། ཆོས་ཉིད་གསལ་བ་རང་ཐིམ་ཤེས།། གསལ
iiif viewer powered by OpenSeadragon
