| e-texts navigator |
| Wylie |
136a1 མ་ནོར་གདམས་ངག་གིས།། སློབ་མ་ཡིད་ཆེས་གདེང་ལྡན་ལ།། གདམས་ངག་ཕོག་ཅེས་དེ་ལ་བྱ།། དེ་ཡང་རྡོ་རྗེ་སེམས་དཔའ་ཉོན།། སངས་རྒྱས་ཡོན་ཏན་སྒྲོ་མི་གདགས།། སེམས་ཅན་སྐྱོན་ཞེས་སྐུར
136a2 མི་གདབ།། ཡུལ་ལ་མ་སྦྱང་ཞེ་ན་མི་བྱ།། སྒྲོ་སྐུར་ཞེན་མེད་ཆོས་ཀྱི་སྐུ།། རྒྱུན་དུ་འབྲལ་མེད་གདམས་ངག་གིས།། དེ་ཕྱིར་ལུང་ལྡན་བཀའ་འདི་གཅེས།། དེ་ཡང་འདུས་པའི་སྙིང་པོ་ཉོན།། མཁས་པའི་ཡོན་ཏན་ཁྱད
136a3 མི་གསད།། འཁོར་བའི་ཆོས་ལ་ངོས་མ་འཛིན།། སྣང་བའི་ཡུལ་ལ་ཞེན་མ་ཆེ།། འཇིག་རྟེན་ཆོས་ལ་བློ་མ་རྣོ།། རྒྱལ་བའི་བཀའ་ལ་བཤད་མ་ཆུང་།། སློབ་དཔོན་དག་ལ་འགྲན་མ་འཛུགས།། ཚུལ་འཆོས་ཅན་ལ
136a4 བཀུར་མི་བྱ།། གདམས་ངག་མེད་པར་ཆོས་མི་བཤད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། གདམས་ངག་ཁྱད་པར་འཕགས་པ་རྡོ་རྗེ་སེམས་དཔའ་ལ
136a5 ལུང་མངོན་དུ་ཕོག་པ་བསྟན་པའི་ལེའུ་སྟེ་བརྒྱ་དང་དོན་བཞི་པའོ།། སྡོམ་དུ་བསྡུས་ཏེ་བསྟན་པ་སོ་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་གདགས་ཕྱིར།། ཀུན་རིག
136a6 སེམས་ཀྱི་རྒྱལ་པོ་ལ།། དགོས་པའི་དོན་ཆེན་འདི་སྐད་གསོལ།། རྣལ་འབྱོར་བར་དུ་གཅོད་པ་ཡི།། བདུད་ཀྱི་ཆོ་འཕྲུལ་ཟིལ་གནོན་པའི།། རྟགས་དང་འབྲས་བུ་བཤད་དུ་གསོལ།། དེ་སྐད་ཞུས་པའི་དོན་གསན་ནས།།
iiif viewer powered by OpenSeadragon
