| e-texts navigator |
| Wylie |
135a1 ཉིད་ཀྱི་སྐུ།། དད་པ་དང་ནི་ཤེས་རབ་ཀྱི།། སྐྱེ་ཤི་གཉིས་ཀྱི་བར་དོ་ལ།། ལུང་ལྡན་བླ་མ་དམ་པ་ཡི།། བསྟན་པའི་དོན་ལ་རང་ཡིད་ཆེས།། ནོར་བུ་རིན་ཆེན་རྙེད་པ་འདྲ།། སྣོད་དང་སྐལ་བ་ལྡན་པས
135a2 རྟོགས།། ངེས་པའི་བཀའ་དང་མི་འགལ་མཐུན།། ཆོས་ཀྱི་སྐུ་དང་མི་འབྲལ་བས།། སྐྱེ་བ་མི་ལེན་ཡེ་ཤེས་ལྡན།། གཟུགས་སྐུ་རྣམ་གཉིས་འགྲོ་དོན་བྱེད།། དེ་ཡང་རྡོ་རྗེ་སེམས་དཔའ་ཉོན།། རྩོལ་བསྒྲུབ་དག་ལས་མ
135a3 བྱུང་བར།། རང་བྱུང་ལམ་ལ་རག་མ་ལུས།། ཡུལ་ལས་མ་སྐྱེས་ཆོས་སྐུ་དེ།། ལུང་ལྡན་རྐྱེན་གྱིས་རྟོགས་པས་ཆོག། རྡོ་རྗེ་སེམས་ལ་བརྟེན་པའི་ཕྱིར།། དེ་ཡང་རྡོ་རྗེ་སེམས་དཔའ་ཉོན།། རང་ལ་ཡོད་ཀྱིས་གཞན་མ
135a4 བལྟ།། གང་གི་རྟོགས་པ་མ་ཞུགས་ཞིང་།། ཤེས་པ་རང་གསལ་འདི་ཉིད་ནི།། ཆོས་སྐུར་ཤེས་པས་ཆོག་པའི་ཕྱིར།། ཆོས་ཉིད་དང་ལ་ཟུག་མ་གཅོད།། ལྟ་བའི་རྒྱུན་ལ་བརྗེད་མ་ངེས།། བསྒོམ་པའི་ངང་ལ་དྲན་མ
135a5 གསལ།། སྤྱོད་པའི་ཆོས་ལ་བཅོས་མ་བསླད།། དམ་ཚིག་གཞུང་ལ་ཚུར་མ་རྐྱེན།། འབྲས་བུའི་ཆོས་ལ་རྟོགས་མ་རིང་།། ངེས་པའི་ལུང་ལྡན་གདམས་ངག་གི།། ཡིད་ཆེས་གདེང་རྙེད་དགོངས་པར་ལྡན།། མཐའ་མལ
135a6 མ་ཡིན་བརྩོན་འགྲུས་ཀྱི།། འདུག་ཚུག་རྐྱེན་ཐུབ་སྒོམ་ཆེན་ཡིན།། རྡོ་རྗེ་སེམས་དཔའ་ཁྱོད་ཉིད་ཀྱང་།། རང་བྱུང་ཆོས་ཀྱི་སྙིང་པོར་བཤད།། སྤྲོ་བསྡུ་མེད་པའི་ཤེས་པ་ལ།། སྐྱེ་འགག་མེད་པའི་ཏིང་འཛིན་གསལ།།
iiif viewer powered by OpenSeadragon
