| e-texts navigator |
| Wylie |
133b1 པོ་ཉོན།། ངོ་བོ་གཅིག་ལ་ཐ་དད་མེད།། བྱད་དང་མེ་ལོང་གཟུགས་བརྙན་བཞིན།། ཆོས་སྐུའི་རྩལ་ནི་གཟུགས་སྐུ་གཉིས།། ཚོགས་མ་བསགས་པར་ཤུགས་ལ་བྱུང་།། སྐུ་གསུམ་འགྲོ་དོན་ཐ་དད་ཀྱང་།། རྒྱུ་རྐྱེན་མ
133b2 སྐྱེས་ཡེ་ནས་གནས།། དེ་ཕྱིར་ཆོས་སྐུའི་རང་རྩལ་ནི།། མཐོང་སྣང་སྣ་ཚོགས་ཅིར་ཡང་འཆར།། དེ་ཙམ་ཉིད་ན་རྒྱུ་རྐྱེན་བྲལ།། དཔེར་ན་ནམ་མཁའ་ཇི་བཞིན་ནོ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ།།
133b3 ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྒྱུ་ལས་མ་བྱུང་བའི་འབྲས་བུ་བསྟན་པའི་ལེའུ་སྟེ་བརྒྱ་དང་དོན་གཉིས་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།།
133b4 ལུང་ལ་མ་བརྟེན་གདམས་ངག་ནི།། དད་ལྡན་འཁོར་ལ་བཀའ་སྩལ་པ།། སངས་རྒྱས་ཀུན་གྱི་ཡེ་ཤེས་སྐུ།། རང་བྱུང་ངོ་བོ་རྟོགས་ལས་བྱུང་།། འདུས་མ་བྱས་ཀྱི་ནམ་མཁའ་འདྲ།། གང་ཡང་མེད་པའི་སྔོན་རོལ་དུ།།
133b5 རང་བྱུང་ངོ་བོ་ཉིད་ཀྱི་གཞི།། ལུང་ལས་མ་བརྟེན་གདམས་ངག་ཆོས།། རང་གི་རིག་པས་རང་རྟོགས་ཕྱིར།། འཁྲུལ་མ་མྱོང་ལ་རྟོགས་མ་མྱོང་།། དེ་ཚེ་འཁོར་འདས་འབྱུང་བ་མེད།། གཞི་ཤེས་རང་བྱུང་རིག་པ་ལ།།
133b6 གཞི་ནས་མ་རིག་མེད་པའི་ཕྱིར།། རྐྱེན་གྱིས་སྔོན་འཁྲུལ་མ་མྱོང་བས།། ལུང་ལྡན་གྱིས་ནི་བསྟན་མི་དགོས།། དེ་ཕྱིར་ལུང་ལས་མ་བྱུང་ཆོས།། ཡ་མཚན་རྨད་དུ་བྱུང་བའི་བཀའ།། སངས་རྒྱས་ཐམས་ཅད་དེ་ལས།།
iiif viewer powered by OpenSeadragon
